Plie ka Toyota Kirloskar Motor ia ka TUCO kaba long ka jaka die ia ki kali rim ba nyngkong jong ka kompany ha Guwahati

Ka Toyota Kirloskar Motor (TKM) ka la nang kham pynskhem shuh shuh ia ka jingkut jingmut jong ka ban buh shwa ia ki nongthied ha khmat eh da kaba pynmih ha ka sien kaba nyngkong ia ka jaka ba buh tang ia ki kali jong ka kompany Toyota kiba la dep ban pyndonkam ia kaba la tip kum ka Toyota Used Car Outlet (TUCO) ha ka thain shatei lam mihngi ha Guwahati. Kane kadei ka jaka die kali kaba lai ha India hapoh jong ka kyrteng “Toyota U-Trust”, ki ar tylli kiba kum kine ki jaka die kali kidon kawei ha Bangaluru bad kawei pat ha Delhi. Ia kane ka sienjam la wanrah khnang ban ai sha ki nongthied ia ki kali kiba bha, ki kali kiba la dep pyndonkam hynrei kiba shngain, ia kaba la buh ruh ha khmat ia ka jingsuk, ka jingkhuid jingsuba ha ka jingpyniaid ia ka kam, bad khnang ba ki nongthied kin ym don kano kano ka jingklumar jingmut ha shi lynter jong ka kam kaba iadei bad ka jingthied ne jingdie jong ki ia ka ki. Ka jingheh jong kane ka jaka die kali kaba thymmai  ka long 4,000 square phut bad hangne lah ban pyni haduh 15 tylli tam ki kali Toyota. 

Kane ka jaka die kali kata ka TUCO ka long kum kawei na ki rynsan na ka bynta ki nongthied kiba kwah ban thied ia ki kali rim jong ka Toyota. Man la kawei pa kawei ka kali la bishar bniah bha bad kane ka jingbishar bniah la tip kum ka 203-point inspection kaba long ka jingbud beit bud ryntih ia ki kyndon jong ka Toyota kiba iaryngkat ha baroh kawei ka pyrthei. Ia kane ka jingbishar bniah la leh da ki riew shemphang ne ki technicians kiba btit bha jong ka Toyota, ban pyntikna ba ki kali kin dei kiba bha, kiba shngain bad kiba lah ban shaniah. Nalor kane, ka jingbishar bniah ka kynthup ruh ka jingbishar bad peit bniah ia ki kot ki sla, kum ka jingpynshisha ba hato ia ka kali la phah leh service ne em, khnang ba ki nongthied kin ym don kano kano ka jingklumar jingmut haba ki thied kali. 

Kawei na ki dak ba pawnam jong ka TUCO kadei ka shap jong ka Toyota kata ka ‘MARU MARU’, kaba pyni ia ka jingbniah ha ka rukom pynkhuid bad ka rukom leh ruh ka long kaba bha tam. Kane ka jingtyrwa kaba kyrpang ka pyni ia ka jingaiti lut jong ka TKM na ka bynta ban wanrah ia ka khuid ka suba ha ka rukom ban thied ia ki kali rim bad ba ki briew ki lah ban shaniah ia rukom iadie ia thied ia ki kali rim ha India.  Ka TUCO ka wanrah ka jingtyrwa ia ka rukom buh dor bad batai nadong shadong shaphang ka kali lyngba kine ki jaka die bad ia kine ki jingbatai la leh da kaba pyndonkam ia ka digital. Ki nongthied ki lah ban peit ia ka jinglong jingman jong ka kali bad ka jingshongdor jong ka lyngba ka online kata lyngba ka ‘Valuate Your Car’ ha ka Toyota U-Trust website. Khnang ba yn nang kham pynbit pynbiang shuh shuh ia ka jinglong trai, ki kali ba ioh na ka TUCO ki wan ruh bad ka warranty haduh 30,000 kilometer lane haduh ar snem, bad lah ban ioh ei haduh lai sien kynthih ka servicing, bad ia kane lah ban ioh na kino kino ki Toyota service centre ha kylleng ka ri. Kane ka jingshakri kaba bha ia kaba la ai hadien ba la dep die ka pyntikna ba man na ki nongthied kali na TUCO kin ioh ia ka jingshaniah bad ia ki jingbha jong ki jingshakri kiba lah ban ioh na ka Toyota.Haba kren shaphang kine kiei kiei kiba iadei bad ki jingshakri jong ka kompany ha kaba iadei bad ki kali rim, U Takashi Takamiya, Vice President, Toyota Kirloskar Motor, u ong, “Ka jingai khublei ka leit sha baroh ki nongthied namar ba ngi la lah ban die haduh 1000 tylli ki kali na ka Company Owned Outlets (TUCO). Kane ka bynta kaba iadei bad ki kali rim ka long kaba donkam bha na ka bynta ka jingkiew jong ka Toyota ha baroh ki liang ha India, kaba iahap ruh bad ka thong jong ngi kata ‘Happiness for All’. Ka jingpyniar jong ka TUCO da ka jingplie ia ka outlet ba nyngkong jong ka jingdie ia ki kali rim ha Guwahati ka pyni ia ka jingaiti lut jong ngi ha kaba iadei bad ka jingbha, ka jingshaniah, bad ka jinghun mynsiem jong ki nongthied. Kane ka jaka die kali kaba tnhymmai ka long kaba biang bha ha ki rukom treikam kaba iadei bad ki mar jong ka Toyota bad ki jingai ia ki jingshakri kiba bha tam.