Ha kawei ka jingjia ba sngewsih kawei ka ïing jong ka kong Medalin Dkhar ba sah ka kong Lawansuk Dkhar ka khun jong ka ha Kynshi Mawteijrong ka la ing khong khait hadien ka ding kaba la klang ka la bam duh.
Kane ka la jia ha ka step 19 tarik Jylliew 2025 por 2:30
Ha kane ka juh ka sngi u secretary jong ka shnong Kynshi Mawteijrong u bah Dondorsing Syiemlieh u la ïathuh ba ïaka daw jong ka jingpluh kane ka ïing ym lah ban tip namar ym shem la don briew ha katei ïing haka por ba ka pluh bad baroh ki jingdon jingem hapoh katei ka ïing kila ingkhong khait lut. U la ïa thuh ruh ba mar ïa ïoh jingtip naka liang jong ka Block bad ka tnat pulit na Mairang kila wan ban jurip ïa katei ka jingjia.
Ka kong Lawansuk Dkhar kala iathuh ba ha katei ka sngi ka khlem sliewding ha ing bad ka jing pluh ka lah ban dei naka bording electric namar naduh ka por 6:30 janmiet jong ka 18 tarik u jylliew 2025 kala mih na ing ban leit sah sha ing ki paramarjan. Ka kong Lawansuk kala ïathuh ruh ba mynta ka hap ban leit sah noh bad ka kmie namar bad kala on gab kam lah ban tei haduh lano kan ïoh ïing biang.
U bah Syiemlieh u la kyrpad ruh ïa kino kino kiba don mynsiem ban ïarap lem ïa kane ka longïing kaba duk kaba ki la duh noh ïa ka ïing ban shong ban sah ki lah ban nohsynniang da kaba wan ban kynduh ïa ki trai ïing.