klur yn phah sha ka sorkar ban pynbha bad shna kamra klas ha Kiang Nangbah Kolej: Wailadmiki Shylla

Hadien ba la ioh jingkular na u myntri rangbah duh ka sorkar Jylla u Conrad Sangma na ka bynta ban pynbha pynmiat bad ruh ban pynheh iaka Kiang Nangbah Govt College Jowai kaba dei ka College ba la rim bha hapoh Rilum Jaiñtia, bad ruh manla u snem ki samla pule na kylleng ki iakhun ban ioh pule ha kane ka Collage, kumta hynne ka sngi u MLA ka Jowai, u Wailadmiki Shylla ula leit jurip ia kane ka college ban peit bniah ba ha kano ka rukom yn shna pynbha pynmiat bad ruh ban shna pynheh.

Ha kane ka jingleit jurip la donlang ka Principal ka College, ka LM Darnei, Ki sahep napoh ka tnat PWD, ki nonghikai ka college bad kiwei. Ha kane ka sngi u Wailadmiki ula leit jurip naduh ka Canteen, ka jaka ban shna Quarter, ka Auditorium, ki kamra Class, Library bad kiwei ki bynta ba i donkam ban shna bad pynbha bala ialam pyni daka Principal bad ki nonghikai. Haba kren shaki lad pathai khubor u Wailadmiki u ong kaba hakhmat duh ia u kum u MLA kaba dei ruh naka bynta ki paidbah ka Rilum Jaiñtia dei ka jingduh jaka pule ki khynnah skul, bad dang shen ha u bnai bala dep haka por ba wan u myntri ryngbah duh sha Jowai ula ioh ban pynsngew ia kane bad ma u ruh ula kular ban pynheh ia kane ka jaka pule.

Halor kine ki jingdawa u Wailadmiki u iathuh ba yn pynkhreh ia ka mang tyngka ba lah ban tam ne duna 30 klur ei ei bad ban phah sha ka sorkar khang ba kan leh ia kaba donkam na ka bynta ka jingmyntoi ki khynnah. Haba iadei bad ki kamra klas u ong donkam ban ioh bun tylli bha bad ym duna ia 20 tylli.