Ka View Point ha Mawiong Rim ka jaka bret niut ki nongshangkai:UHM

Ka bynta shadien jong ka jaka iengkai ki Tourist lane ka View Point kaba don ha Mawiong Rim ka la i sait met ban peit namar ka jingbret pathar ia ki jaboh naduh ki bilor kyiad, ki plastic bad kiwei kiwei ki jaboh jabain.
Ha kane ka View Point kaba don ha shi lynter ka surokbah Shillong-Guwahati ki don ruh 10 tylli ki dukan kiba ka Sorkar ka la pyn shna na ka bynta ki nongdie madan kiba ju shong die mynshwa ha ka por ba ka Sorkar kam pat pynbha ia kane ka jaka.
Kine ki 10 tylli ki dukan ki dei kiba la shna la slem bha hynrei haduh mynta ym pat don ba pyndonkam bad la suba ba kine ki dukan ki la kylla ki jaka rieh tngen ki briew ba leh ia ki kam jakhlai.
Namar ba don ki dukan kiba ym khang tala, ki briew kila pyndonkam iaki kum ki jaka leit painkhana pathar kaba pynlong ia kine ki dukan ban sma iwtung.
Watla kane ka jaka ka don ki jingthoh bala mana ban bret pathar iaki jaboh hynrei la sakhi ba ki bynta shadien jong ia View Point ki dap daki jaboh kaba la suba beit ba dei ki biew ba wanki kiba bret.
Kane ka jinglong jingman jong ka View Point ka la wanrah ka jingsngewkhia ia bun balang ha kaba na ka linag u President ka UHM Mawlai circle u Bah Kitkupar Sun ula dawa na ka Dorbar Shnong bad na ka tnat Tourism ka Sorkar Jylla ban shimkhia khnang ban tehlalam iaki kam pynjaboh bad pynthoh bria ia kane ka jaka.
U Bah Kitkupar ula ong baka seng ka don ka jingsuba jong ba ki briew naduh ki Tourist ki pyndonkam bakla ia kane ka jaka khamtam haki dukan haki por miet.
“Ngim tip kane ka jaka ka hap hapoh ka tnat tourism ne hapoh ka shnong Mawiong hynrei ngi dawa ba dei ban shimkhia mardor ia kane ka jaka khnang ba kan long kaba khuid bad itynnad biang kum haki por barim” la ong u Bah Kitkupar.
“Lada phi mut ban pyndonkam ia kane ka jaka, sngewbha pynbiang ki light bad pynthikna ba kane ka jaka ka long kaba shngain” ula ong.