Pyniar ka ManipalCigna Health Insurance ïa ka jingdon jong ka ha ka thaiñ shatei lamihngi, ka ban nang pynsted ïa ka jingïoh ïa ki jingsumar ki ba bha lyngba ka  ‘Sarvah’ kaba la ïoh khusnam

Ka ManipalCigna Health Insurance, kawei na ki kompani ai insurance kaba marwei jong ka India, ka la nang pynkhlaiñ ïa ki lad ai jingïarap ha ka liang ka koit ka khiah ha kylleng ka thaiñ shatei lamihngi jong ka ri India lyngba k I jingshakri ba thymmai jong ka, ka ManipalCigna Sarvah, kaba la ïoh nam kum ka ‘Product of the Year 2025 – Health Insurance’, hadien ka jingwad bniah na ki nongthied kaba la pynlong da ka kompeni wad bniah ka NielsenIQ. Ïa ka Sarvah la pynwandur ban pynlong ïa ka jingïoh health insurance kaba kloi bad ba suk ban ïoh, kaba ai ïa ka jingsumar kaba pura bad kaba la shna kyrpang na ka bynta ki jingdonkam ha ka liang ka koit ka khiah jong ki longïing ha ka thaiñ shatei lamihngi.

Ka kompani ka nang pynjylliew ïa ki jingai bad jingshakri jong ka sha ka thaiñ ban ai jingkyrshan ïa ki nongpyndonkam kiba wad bad donkam ïa ki jingïarap pisa tyngka ha ka liang ka koit ka khiah kaba ki lah ban shaniah. Kane ka jingwanrah ia kine ki tyrwa ïa ki lad ai jingïada ba bun jait naduh ki jingpynbiang na ka bynta kito kiba dang thied nyngkong shaduh kiwei kiwei ki jait jingpynbiang kiba pura kiba don ïa ki jingïoh jingmyntoi ba thymmai kum ka ‘zero waiting period options’. Ban nang pynïaid sha khmat shuh shuh ïa kane ka kam, ka ManipalCigna ka la pynmih sa phra tylli ki shnat treikam ha kylleng ki nongbah jong ka thaiñ shatei lamihngi bad ka thmu ban pynrung ~10,000 ngut ki nongai jingmut ha ki lai snem ki ban sa wan. Ka kompani ka thmu ruh ban pynlah ïa 3,000 ngut ki longkmie ban long ki nongai jingmut ha ki liang health insurance, ka ban nang kham pynkhlaiñ ïa ka jingïashim bynta jong ki paidbah.

Haba kren halor ka jingkiew jong ka ManipalCignal ha ka thaiñ, U Sapna Desai, Chief Marketing Officer, ManipalCigna Health Insurance, u la ong, “Ka ManipalCigna ka ïai long kut jingmut ban wanrah ïa ki lad ai jingïarap kiba bha kiba lah kot, kiba kynthup lang ïa baroh, bad kiba suk ban ïoh na ka bynta ki longïing ha kylleng ka thaiñ shatei lamihngi. Ka jingwanrah ïa ka ‘ManipalCigna Sarvah’, ka pyni ïa ka jingshaniah kaba ki nongpyndonkam ki la buh ha ngi. Ka jingïasnohkti jong ngi bad u nongïalehkai phutbol uba la paw nam bha, U Bhaichung Bhutia ka la nang kham pynjylliew ïa ka jingïadei ha ka thaiñ bad ka ai jingkyrshan ïa ki jingïakren kiba don jingmut kiba ïa dei bad ka koit ka khiah, ka jinglong jingman, bad ka jingïada ha ka liang ka pisa tyngka.”

Ha ba kren shaphang ka rukom treikam bad rukom pynheh ïa ka kompany, U Vishal Surana, Head Agency for Mumbai, South and East, ManipalCigna Health Insurance, u la ong,“Ka jingpynheh jong ngi sha ka thaiñ shatei lamihngi, ka long ban shna ïa ka rukom treikam ka ban ai jingmut ka ba don ka jingïadei bad ki shnong ki thaw. Da kaba thung kam ïa 10,000 ngut ki nongai jingmut bad ka jingkiew ha ka jingiashim bynta jong ki kynthei ha ki kam insurance, ngi thmu ban nang pynkhlaiñ ïa ka jingiadei kaba khatduh ne ka last-mile engagement bad ban pynthikna ïa ka jingshakri kaba kyrpang ha kylleng ka thaiñ.”
Lem bad ka jingthmu kaba shat jingmut ban ai jingïarap khamtam ia kiba buh ïa ki nongpyndonkam, ka rukom sam kaba bun rukom ne ka multichannel distribution model bad ki jingai jingmut kaba kham khlaiñ kiba treikam ha ka jaka, ka ManipalCigna ka thmu ban pynkup bor ïa ki longïing longsem da ki jingïada ha ka liang ka koit ka khiah bad ha ka liang ka pisa tyngka, kaba pyntikna ba ki lad ai jingsumar kin poi sha kiba donkam bha ïa ka, mynba ki donkam bha ïa ka.