Pyniar ka TKM ia ka jingdon jaka die kali thymmai ha North East, plie thymmai ha Guwahati

Ha ka sienjam kaba kyrpang ban pynkhlain ia ka jingdon jong ka ha ka thain shatei lam mih ngi ka India, ka Toyota Kirloskar Motor (TKM) mynta ka sngi ka la plie ia ka jaka die kali kaba thymmai ka – ka Gargya Toyota, ha sor Guwahati, Assam. Ka jingdon jong kane ka jaka die kali ka pyni ia ka jingiai bteng jong ka Toyota ban phai khmat ha ka liang ban pynsuk ia ki briew ban ioh ia ki kali, bad wanrah ka jingshaniah hapdeng ki nongthied, bad kyrshan ban pyndap ia ki jingdawa ban wanrah ia ki lada ki lynti ban ioh ia ki kali kiba biang ha ka iew die kali kaba dang kiew katba dang mih ki sngi.  Ia ka Gargya Toyota la plie da ka jingiadon ryngkat jong U Arun G Nair, Vice President, Chief Representative – East Region, Sales, Service & Used Car, Toyota Kirloskar Motor, bad U Rahul Dev Sharma, Dealer Principal jong ka Gargya Toyota.

Katba ka Guwahati ka dang sdang ban kiew ha ka liang ka ioh ka kot bad ka jaka pdeng ba pyni ia ki riti ha Assam, ka jaka die kali jong ka Toyota kaba thymmai ka don ha ka bynta kaba biang biang ban ai jingshakri ia ki nongthied ha kylleng ka thain—naduh ka jingsaphriang ka sor sha ki jaka khap sor bad ki shnong ki thaw. Kane ka jaka die kali, ka long kaba heh haduh 5,100 sq. ft., ka don ia ka 1S (sales) outlet ne ka jaka die, ba la kyrshan da ka kynhun ba la tbit bha ban die ia ki kali Toyota khnang ba ki nongthied ki ioh ia ka rukom die kaba biang bad bha tam.  Nalor kane, kane ka jaka die kali ba dang mih thymmai ka Gargya Toyota ka don ruh ia ka Toyota U-Trust, kaba iarap ha ka rukom thied, ban die, bad iakylliang ia ki kali ba la dep ban pyndonkam—kaba thmu shuh shuh ban nang kham pynsuk ia ki nongthied bad pynsngewtynnad ia ka jinglong trai ia ki kali. 

Kane ka jaka die kali kaba thymmai kan die ia kiba bun jait ki kali jong ka Toyota, naduh ki model kiba paw bha kum ka Innova Hycross, Fortuner, Hilux, Urban Cruiser Hyryder bad kiwei kiwei, haduh ki kali kiba kum ka Camry Hybrid bad Vellfire, ban pyndap ia ka jingkwah jong ki nongthied ha ka thain.  Haba kren ha ka sngi plie ia kane ka jaka die kali kaba thymmai, U Rahul Dev Sharma, Dealer Principal jong ka Gargya Toyota, u ong, “Ngi sngew sarong ban wanrah ia ka nam jong ka Toyota kaba paw bha ha ka jingpynmih ia ki kali kiba bha, kiba lah ban shaniah, bad kiba la shna katkum ki buit treikam ba thymmai sha ki briew jong ka Guwahati bad ki jaka ba marjan. Kane ka jaka die kali kam dei shuh tang ka jaka iadie iathied, hynrei kadei ka rynsan ban wanrah ia ka jingiadei bad ki nongthied da kaba buh ia ki tiar ki tar ba lah ban shaniah bad ban ioh mad ia ka jingsngewtynnad jong ka Toyota. Kum kawei na ki shnat ba la aiti lut ban iateh bad ka Toyota, ngi la trei radbah ban kyntiew ia ka nam ka burom jong ka kyrteng ka Toyota bad pyntikna ba man la ki nongthied ki iohi ia ka jingbha, ka jingshaniah bad ka jingshim khia ia ki nongthied kaba long ka bynta kaba skhem ba ka Toyota ka ieng.”