Ka Meghalaya Pradesh Congress Committee (MPCC) hynne ka sngi ka la pynithuh ia ki 18 ngut ki kyrtong MDC ban iakhun ia ka Election MDC ha ka Jaiñtia Hills Autonomous District Council (JHADC) ha ka jingialang ha CTC Orchid Thadlaskeiñ, West Jaiñtia Hills District. Ia kine ki kyrtong la pynithuh da u Vincent H. Pala, MP barim ka Lok Sabha uba dei ruh u President ka MPCC. Ki 18 ngut ki kyrtong ki kynthup ia u Romeo Lyngdoh na War Central, u Madonbai Rymbai na Amwi Khliehtyrshi, u Bitos Sari na Mukhla-Ummulong, u Jona Rynjah na Moodymmai Nongkhroh, u Katbanbiang Lamare na Nartiang Wahiajer, u Richard Sing Lamare na Mynso Nongjngi, u Rikut Parien na Saphai Sahsniang, u Welpard Suchiang na Raliang, u J. Treilang Suchiang na Shangpung, u Saron Paswet na Jowai South, u Yookini Phawa na Muthlong-Sohkymphor, u Siril Suja na Sutnga Nongkhlieh, u Lalwilliama Thiaite na Saipung Nongkhlieh, u Grimlang Dkhar na Narpuh, u Bashan Tangliang na Sumer, u Brosent Siangshai na Musniang Ryngad, u Pynbiangmi Laloo na Mowkaiaw bad ka longkmie Banikas Laban na Barato Mukroh constituency.
Na ka liang u bah Vincent Pala ula kyntu ia ki kyrtong ban long kiba stad namar ka riti dustur ka don ha ka bor ka District Council kumjuh ban wanrah jingmyntoi ia ki nongshong shnong. Shuh shuh u khot ka jingiatreilang jong baroh kiba kyrshan ia ka Congress ba kin trei shitom na ka bynta ban pynjop don burom ia ka party bad kyntu ia ki kyrtong ban long kiba sngewrit bad iatreilang bad u paidbah. Ula kyntu ruh ba ha ka por leit ialap ym donkam ban kynnoh kynthoh ia kiwei ne ban maham iano iano kumba leh kiwei ki party namar ki paidbah ha ka juk mynta ki la tip lut ia ki nongrim ka party bad ki long ruh ki nongshong shnong ba stad. Ha kajuh ka por ula ong, kum ka National Party ha ka rukom synshar ka don kajuh ka sur bad ka jingkwah jong ka Party dei ban don ka synshar ba bha bad ban iatrei ryngkat bad ki paidbah na bynta ban iada ia ka jaitbynriew.
Halor ka ilekshon u iathuh ba ka party ka la dep hikai ia ki kyrtong ban iakhun MDC khnang ba kin tip kumno ban iaid ha ka lynti ba biang na ka bynta ban shakri paidbah bad ka donkam bha mynta ban pynkupbor ia ki kynthei.Ha kane ka sngi la ioh ruh ka jingkren na u CEM barim ka JHADC u bah Madonbai Rymbai u ban iakhun na Amwi Khliehtyrshi.
You may also like
-
Hapoh ka Smart Cities Mission, ka Sitharaman ka plie ïa ka mall bad ka Polo complex kaba shongdor 100 klur ka tyngshaiñ
-
Pynshlur ka Nirmala ia ki samla ban leh INTERN ha ki kam khaii
-
Na Mawlai, ioh kem 2 ngut ki Bangladesh bad u nongialam lynti
-
U dei u dak jong ka jingsah jingkynmaw, u dak jong ka jingshlur jong ki samla ka Jylla
-
Iasoi MoA ka Tomonpo bad ka Mother India ban shalan Sohtrun shabar Ri