Ki pulit hadien ba ki la ioh jingtip ba thikna na ki bor syntiat ki la bat ia kawei ka Maruti Alto ba don ïa u number ML-10D-4104 ba la niah da u Ridonlang Lakhiat 31 snem ryngkat bad lai ngut kiba shong hapoh kali ba la ithuh kyrteng u Md. Rahul Rana 27 snem, ka Suma Ghosh 20 snem bad u Johnwell Kharkongor 29 snem ha Mawlai Umshing, Shillong.
Kane jingjia ka la jia hynnin ka janmiet Balang ha ka por 6 baje janmiet katba ki dang mut ban leit phai sha Bangladesh. Ha ka jingtohkit, ym shym la lap satia mar khaii be-ain; hynrei ki la iathuh shai ba u Md. Rahul Rana bad ka Suma Ghosh ki dei na Bangladesh kiba la wan rung tuh ha India bad kyrteng bashisha jong ki ka long u Md. Nasiruddin Kazi bad ka Suma Begum, la kynnoh ba ki wan na Bangladesh lyngba ka Pynursla, East Khasi Hills.
Ki pulit ki la iathuh ba u bah Johnwell Kharkongor u trei kum u nongialm ne agent ban ialam ia kitei ki ar ngut sha Pynursla ban aiti ha uwei u bah Alexander Lyngdoh, u ban pynsuk ia ki ban jam sha Bangladesh ha ka por mynmiet. Ki pulit ki la ioh kurup ruh ki Aadhaar card thok na kitei ki ar ngut ki nong Bangladesh. Ki pulit ki la kem ia ki briew bad ka jingtohkit ka dang iaid shakhmat.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa