Khynra ka ANTF ha Lumsurvey, kurup drok ba T.75 lak

Ki pulit ka Anti-Narcotics Task Force (ANTF) ki la pynlong ka jingkhynra ha Lum Survey Shillong hynnin ka sngi 17 tarik Naiwieng, 2026 bad ki la ioh kurup khyndai ki song sabon ba don drok heroine ba khia 110.34 gram na iingsah u Jahiruddin bad na iingsah ka Jamela Khatun la ioh kurup 63 tylli ki bilor barit ba don 10.10 gram u drok heroin katba na iingsah u Moriom Khatun ki pulit ki la ioh kurup 65 ki bilor rit ba khia 10.17 gram ba sub u dei u drok heroin.

Ia u drok heroine ba ioh kurup kumba 130.61gram kynthup khyndai song sabon bad 128 ki bilor barit la ujor ejahar pyrshah ia ki lai ngut ha Cantonment Beat House bad ka jingtohkit ka dang iaid shakhmat ban lah dien ia kiwei ba donkti.

La iathuh ha ka 7 tarik ka ANTF hadien ba ioh jingtip ba thikna na ki bor syntiat ka pynlong ka jingkhynra ha Lum Survey bad ioh kurup synduk sabon ba don 27.00 gram u drok heroin. Ki pulit ki la kem ia u Alim Uddin bad ka kurim jong u, ka Ishatun Nesa.

La iathuh u drok ba ioh kurup ha ka 7 bad 17 tarik Naiwieng, 2026 ba 157.61 gram u shongdor T.75 lak bad ka jingthmu khaii ban pyniaid iew ha jylla la pulom noh ban la khaii beain ha ka iew, la kurup noh bad la shimkhia ia kane pyrshah ia kine ki san ngut kiba donkti.

Leave a Reply

Your email address will not be published. Required fields are marked *