Pynjari korphiw ka Meghalaya bad Assam ha khappud Lapangap

Ki paidbah ka shnong Lapangap hynne ka sngi hapdeng ka jingpahara ki pulit ka jylla Meghalya bad Assam ki leit sha pynthor ba ot kba ha pynthor. Hynrei ka jingïakynad ka la mih hapdeng ki nongshong shnong jong ka shnong Lapangap (Meghalya) bad Tahpat (Assam) hadien ba uwei u nongshong shnong na Karbi Anglong ba la iathuh kyrteng u Orivel Timung 45 snem ula khlad noh. Ka khubor pulit ka iathuh shwa kane ba kam shym don kano kano ka jingialeh pyrshah hapdeng ki nongshong shnong na Meghalaya bad Assam hynrei na katei ka jingjia ka la mih ka jingiakynad bajur ia ki paidbah. Kumta sangeh noh shi syndon ia ka jingot kba tad haduh ban pynbna da kumwei pat. Namar ba ka jaka ba jia ka hap hapoh ka jylla Meglaya kumta la register case hapoh ka Nartiang Police Sation halor katei ka jingjia . Ha kajuh ka por ka Sorkar Meghalaya bad Assam ki la pynjari korphiw ha ka thain khappud bad ka shnong ha Lapangap hadien ka jingiakynad hapdeng ki jaidbynriew Pnar bad Karbi hynne ka sngi ha kaba uwei Karbi ula khlad noh na ka jingmynsaw ha jaka ai jingsumar hynne ka sngi.

“Ka sorkar Assam bad ka Meghalaya ki pynjari korphiw miet ban tehlakam ban ban wanrah ia ka shongsuk shongsain” ong u Symbud Myntri Rangbah ka jylla u Bah Prestone Tynsong bad ula pynpaw ia ka jingsngewsih halor ka jingkhlad noh jong uwei u briew na Assam ha ka jingiakynad. Halor ka jingkylli la ka sorkar jylla kan pynjari tang ka korphiw ne kan pynjur shuh shuh ia ka jingpahara ki pulit ha ki thain khappud ban tehlam ia ka jingiakynad, u Bah Prestone ula ong, “Nga lah iakren bad u SP ka West Jaintia Hills bad ong ba ki pulit ki la biang ha katei ka thain hynrei lah pynap lypa ia ki pulit lada donkam ha kano kano ka por”. Haba batai shaphang ka jingmih ka jingiakynad, ula ong ba ki pulit ka Meghalaya ki la leit synran ia ki nongrep na Lapangap ban leit lum leit lang ia ki marrep ha ka jindonlang ryngkat ki pulit Assam, hynrei kynsan kynsan ka la mih ka jingiakynad na ka liang Mikir kaba pynlong ia uwei u Karbi ula mynsaw jur bad ula khlad noh ha ka jaka sumar.

U Symbud Myntri Rangbah ula iathuh ba ka sorkar ka la bthah ia u SP ban peitngor ia kane ka jingjia bad ban pynjur ia ki bor pahara ha ka thain khappud jong ka Lapangap.Ula ong ruh ba ka sorkar ka la shimkhia halor kane ka jingjia bad ka la don ka jingiakren hapdeng ki arngut ki Myntri Rangbah ka jylla bad ki Chief Secretary ban  ban wanrah biang ia ka shongsuk shongsain.