Pynkhuid ka NEIGRIHMS ia ka iew Nongmensong

Ka NEIGRIHMS ryngkat ka jingiatreilang bad ka Dorbar Shnong Nongmensong hynnin ka sngi ka la pynlong ïa ka prokram kyrpang ban pynkhuid ia ka iew Nongmensong kum shibynta ban rakhe ia ka ‘Swachhta Hi Seva’ ia ka Campaign 4.0’ ia ka jingsdang jong ka sorkar India ban pynsngewthuh ia ka jingkhuid ha ka imlang sahlang. Ka jinglehkhuid ka long kaba donkam ha ka Swachhata Me Jan Bhagidari ha kaba ki paidbah ki la shim bynta lang, kawei na ki nongrim ka jingtreikam jong ka Swachhta Hi Seva.

Ha kane ka sngi la donlang u Prof Nalin Mehta, Director ka NEIGRIHMS, Prof A. Santa Singh (Dean), Prof C. Daniala (MS), Lt. Cdr. Pawan Deep (DDA) bad ki dkhot ka Dorbar Shnong Nongmensong ban  kyrshan bad pynshlur ia ka jingdonkam ban lehkhuid. U Dr. Mehta ula pynpaw ba ka NEIGRIHMS ka shimkhia ia ki kam ban pynkhuid bad ka long kaba sngew sarong ban pynkut ia ka jingialap Swachhta Hi Seva 2024 da ka prokram ban iarap ban kyntiew ia ka imlang sahlang. Katba u Dr. Daniala ula ong ba ka NEIGRIHMS ruh kan sa pynlong ia kane kajuh ka prokram ban pynkhuid bad pynsngewthuh ia ki paidbah ha u bnai Risaw, 2024 kum shibynta ka jingialap kyrpang ne Campaign 4.0. ha ka Ri.

Ha kane ka sngi ka sngi, palat 60 ngut ki volunteer kynthup ïa ki doktor, ki ophisar, ki nurse bad ki nongtrei jong ka NEIGRIHMS ki la shim bynta ban pynkhuid ia ka jaka ryngkat bad ki dkhot na ka Dorbar Nongmensong.