Ki shipai Border Security Force (BSF), Meghalaya Frontier, ha ka Sngi Balang kila ioh ban iada ia ka jingim jong uwei u nongpang uba sah ha khappud da kaba leit ban pynkit mardor ia u sha Hospital ban ioh ia ka jingsumar kaba paka. Ki BSF kila pyntip ba ha ka por 1:30 mynsngi u Rangbah Shnong ka Hawai Bhoi West Jaintia Hills district kaba don ha ka thain khappud u Bah Phumen Shadap, ula wan kyrpad ia ki BSF jongka BOP Muktapur ban iarap ia u Bah Sanjay Shadap 45 snem ka rta, ula shitom jur bad prie da ka snam, kumta ki BSF mardor hi kila leit ban shaw ia une u rangbah na katei ka shnong kaba ki kali kim lah ban poi.
Ka long kaba eh ban poi sha katei ka shnong namar ka jingbym biang ka surok ban iaid ki kali kumta ki BSF kila leit da ka Bolero Camper ban poi sha katei ka shnong ban wan kit ia une u nongpang sha BOP Muktapur bad nangne pat la pynkit noh ia u Bah Shadap da ka kali Ambulance jong ka BSF ban kit noh mardor sha NEIGRIHMS, Shillong ban ioh ia ka jingsumar.
Kane ka jingshimkhia ki BSF, kala seisoh ha kaba kila lah ban pynpoi kloi ia u Bah Shadap ha Hospital, ia kaba ki Doctor bad ki Nurse kila iohj ban ai mardor ia ka jingsumar. Na kane ka kam ba bha jong ki BSF, u Bah Shadap ula lait na ka jingiap bad mynta u don hapdeng ka jingshah sumar hapoh hospital.
You may also like
-
Kim neh slem ki Seng Riewlum, ki bun tang ki kular kim lah ban pynurlong: Pala
-
Ngam sngewpher lada shah pynhiar shuki, ka kam MLA ban shakhri paidbah: Methodius Dkhar
-
Nga la kren bun sien ba don ka jingbym hun ia ka rukom treikam hynrei u nongalam u kyntait : Paul
-
Thang ka Congress ia ka Tyngshop u CEC bad dawa dawa hiar shuki
-
Kam don jingmut ban ujor ia ki MLA katba ka UDP ka dang iatreilang ha ka MDA: Pala