Ha ka sienjam ba kongsan ban kyntiew ïa ka lad ban ïoh kam bad ka jingpynkhreh ia ki samla Meghalaya ban trei ia ki kam, ka IIM Shillong lyngba ka North East Centre for Community Impact and Engagement (NE-CCIE) ka la pynlong ïa ki Business Communication and Presentation Skills workshop ha kylleng ki jaka pule ba pawnam ha Shillong. Kane ka sienjam hapoh ka Chief Minister’s Business Catalyst Initiative ka pynlong naduh ka 19 tarik haduh ka 30 tarik u Jymmang 2025 bad ka la poi sha ki samla pule ha ka skulbah MIT, ka skulbah Martin Luther Christian (MLCU), bad ka skulbah William Carey.
Ïakine ki workshop la pynïaid da ka Dr. Cassie DeFilippo kaba dei ka International English Language Fellow bad ka U.SDepartment of State. La pynkhreh na ka bynta ki samla pule na ki jaitjingpule bapher bapher kynthup ïa ka kam khaii, ka kam jngohkai pyrthei, ka pisa tyngka, bad ka jingpynïaidïew, ki jingïalang ki la pynleit jingmut ha ka jingkyntiewïa ki sap ba kongsan ha ka rukom kren na ka bynta ka jingjop ha kane kajuk mynta kaba dang kiew. Ki nongiashim bynta ki la ioh ia ki bynta bapher bapher jong ka rukom kren kaba seisoh, kum ka jingthoh projek ba tbit, ka jingpyniapher hapdeng ka ktien kaba thikna bad kaba khlem thikna, ka jingpyndonkam ia ka sur kaba seisoh bad kaba treikam ha ka rukom kaba iahap bad ka kam, bad ka jingpyniasoh da ka jingkitkhlieh ia ki lad AI ha ki kam. La ban jur ruh ia ka jingdonkam jong ka jingiakren ha ka kynhun treikam bad ka jingpynbeit ia ki jingeh ha ki jaka trei, kaba pynkhreh ia ki samla pule na ka bynta ka jingiatreilang ha ka pyrthei.
Ki jingïalang ki la kut ha ka jingpyniïa ka jingïakren shaphang ka kam, ha kaba ki samla pule ki la pyni ïa ka jingioh jinghikai jong ki lyngba ki jingtyrwa ba la buh ryntih ia ki kynhun—kaba pyni ïa ka jingtbit jong ki ban ïakren bad ka jinglah ban pynbeitïa ki jingeh. Kane ka jingïatreilang hapdeng ka IIM Shillong, ki tnad sorkar, bad ki nongiatreilang ha ka pule puthi ka la ban jurïa ka jingïatreilang ban pynkup bor ïa ki samla jong ka Meghalaya. Da kaba pynkhlain ia ki jingtbit ba kongsan bad kyntiew ia ka mynsiem ban saindur thymmai, ka prokram ka thmu ban tei ia ka pateng kaba kham sngewskhem, kaba la pynkhreh ia ka kam, bad kaba don ka jingmut ban seng kam seng jam.