Pynlong ka CBC Shillong ia ki prokram ba kyrpang halor ka Viksit Bharat ha West Khasi Hills Distrik

Ha kaba iadei bad ki sienjam jong ka ri kiba thmu ban kyntiew ia ka rukom im kaba kham khuid, kaba koit ba khiah, bad kaba iaineh, kumjuh ka jingkyntiew ia ka imlang sahlang kaba lait na u drok, ka Central Bureau of Communication (CBC) Shillong ka la pynlong artylli ki prokram ai jingtip ha West Khasi Hills Distrikhynnin ka sngi. Kine ki prokram ki phaikhmat halor ka jingkyntiew ia ka jingkhuidjingsuba, ka jingpynshlur ban pynnehpynsah ia ka mariang, bad pynbeit ia ka jingdonkam kyrkieh ban iakhun pyrshah ia u drok. Ki prokram, ba la pynlong ha Pyndengrei bad Don Bosco Technical School, kidei kiba la saindur ban ai jinghikai shaphang ki phangpdeng ba kongsan jong ka sorkar India kum ka “Swachhata Hi Seva, NashaMukt Bharat Abhiyan, Mission Life, Atmanirbhar Bharat &EkPedMaaKeNaam”, kumjuh ruh ka thong “Viksit Bharat” (ka India kaba la kiewshaphrang). Kine ki prokram ki thmu ban pynshlur ia ka jingiashim bynta shitrhem ki nongshong shnong jong ka thain bad ai jinghikai ia ki halor kine ki kam ba kongsan jong ka ri.  Ka prokram ba nyngkong ka la long ha Pyndengrei, ha kaba palat 60 ngut ki nongshong shnong ki la iawanlang ban iashim bynta ha ka sienjam kaba phaikhmat halor ka jinglehkhuid, ka kam kaba iadei bad ka jingpynkhuid ia ki niut, bad ka jingtip shaphang ka mariang. Kane ka prokram ka la sdang ha ka por mynstep da ka jingpynkhuid shnong, ha kaba ki nongshong shnong ki la pynkhuidia ki sawdongsawkun jong ki, kynthup ki surok ha ki shnong bad ki jaka paidbah. Kane ka jingiatreilang ka thmu ban kyntiew ia ka mariang kaba kham khuid bad kaba jyrngam.  Hadien ka jingpynkhuid shnong, la pynlong ia ka jingialang ai jingtip hapoh ka phangpdeng “Swachhata Hi Seva”. U Bah Albert Thongni, nongtrei monsnewbha na ka bynta ka Swachh Bharat na ka shnong, u la ai jingiakren ia ki nongiashim bynta bad ban jur ia ka jingkongsan ka jingphiah ia ki niut ha ki iing ki sem. U Bah Thongni u la ban jur ba ka jingpynkhuid ia ki niut ka sdang na ki kam shimet bad na ki longiing, u la pynshlur ia ki nongshong shnong ban pyndonkam ia ki jaka bretniut ba la ai da ka shnong.

Ha ka jingai jingkren jong u, u Bah Thongni u la ong, “Shim ka jingbahkhlieh ia la ki jong ki niut,” da kaba pynshlur ia ka jingshim dalade ia ka jingbahkhlieh ha ka jingpynkhuid ia ki nuit bad ka jingpynsaphriang ia ki rukom im kiba khuid kaba nohsynniang sha ka bha ka miat jong ka met ka phad bad ka bor pyrkhat. U la ban jur ba ki sienjam jong uwei u briew ki lah ban wanrah ia ki jingkylla ba bha, ym tang na ka bynta ka marianghynrei ia ka imlang sahlang baroh kawei.  U Bah DidimusNongsiej, Rangbah Shnong jong kawei na ki dong jong ka Pyndengrei, u la kren shaphang ka bynta ba kongsan jong ka jingdon bynta ki nongshong shnong ban pynneh ia ka mariang kaba khuid. U la ai khubleiia ka CBC Shillong kaba la pynlong ia kane ka jingialang bad pynpaw ka jingkyrshan pura jong u ia ki sienjam ban wan. U Bah Nongsiej u la pynkynmawia ki nongshong shnong shaphang ki sienjam ba dang iaidshaphrang jong ka Executive Dorbar ban lum ia ki niut bad kyntu ia baroh ban ai ka jingiatreilang na ka bynta ka imlang sahlang kaba khuid bad kaba koit ba khiah. Ka jingkren jong u ka pyni ia ka jingdonkam ban don ka jngkitkhlieh ban ioh ia ka mariang kaba kham khuid.  Kum shi bynta ka sienjam “EkPedMaaKeNaam”, ka dak ban pynkup burom bad iada ia ka mariang, la thung ia ki diengsoh da ki kynrem ki lyndan, ba kynthup u Bah Nongsiej bad kiwei kiwei ki dkhot ba pawkhmat jong ka shnong. Kane ka kam ka la long ka bynta kaba don jingmut bha ha kane ka prokram, kaba long ka dak jong ka jingiatreilang ban pynnehpynsah ia ka mariang.  Ha ka sienjam ban kynthup ia ki samla jong ka shnong, la pynlong ia ka jingiakop shad, kaba plie lad ia ki ban pyni ia ki sap jong ki bad pynkhlain ruh ia ka jingkongsan ban long kiba smat ba sting bad kiba iadon bynta ha ki kam ha shnong.Ki lahduh jong ka jingiakop ki la ioh ia ki khusnam pisa.

Ka prokram ka la kut lyngba ka jingai khubleina u Bah JosephasThongni, Programme Coordinator. Ki nongiashim bynta ki la iashondurlang ban buh jingkynmaw ia kane ka jingialang.  Ka prokram kaba ar ka la long ha Don Bosco Technical School, ha kaba palat 50 ngut ki khynnah pule ki la iashim bynta ha kane ka jingialang kaba la aiti ban kyntiew ka jingai jinghikai shaphang ka “NashaMukt Bharat Abhiyan”, lane ka campaign na ka bynta ka India kaba lait na u drok. Ka prokram ka la sdang da ka jingiakop pyni sap, kaba plie lad ia ki khynnah pule ban pyni ia ki sap jong ki. Hadien kane ka la don ka jingialang ban iakren shaphang ki daw bad ki jingktah jong ka jingpyndonkamia ki drok. Ia ka jingialang la ialam da u Bah K. Mawlong, SI na ka Tnad Pulit jong ka West Khasi Hills Distrik. U Bah Mawlong u la kren shaphang ki jingsngewkhia shaphang ka jingpyndonkamia ki drok, khamtam hapdeng ki samla. Da kaba shim nuksana ki jingshem lajong, u la batai shaphang ka jingktah ka jingdih drok ia ki briew, ki longiing bad ka shnong ka thaw. U la ai ruh ki nuksa na ki jingshem jong u ban pyni ia ka jingkongsan ban shim ia ki rai da ka jingsngewthuh ban lait na ka jingngop ha ki jingdih pynbuaid. U Bah Mawlong u la ban jur shaphang ki lad jingiada ba lah ban iarap ia ki briew ban iada ialade na ka jingdih drok.U la kyntu ia ki khynnah pule ban long kiba husiar bad ban iaid ban ieng bad ki briew kiba bha. Ka jingkren jong u ka ban jur ia ka jingkongsan ban wad ia kiwei ki lad kiba koit ba khiah ban ialeh pyrshah ia ka jingban khia ki jingmut jingpyrkhat bad ki jingeh ha ka jingim.Ha ka khyllipmat jong ka jingiatylli, u Bah Mawlong u la pynshlur ia ki khynnah pule ban bam smai, da kaba ong, “Ong em ia u drok.” Ki khynnah pule ki la iasnohktilang ha ka jingbamsmai, kaba pynkhlain ia ka jingkut jingmut jong ki ban long kiba lait na u drok bad kyrshan ia kiwei ha ki shnong jong ki kiba iakhun bad ka jingkyrni. Baroh artylli ki prokram, ba long ha Pyndengrei bad Don Bosco Technical School, kilong kiba jop. Ka jingiashim bynta shitrhem ki nongshong shnong bad ki khynnah pule ka la nohsynniang ban kyntiew ka jingai jinghikai halor ki mat ba kongsan kum ka jinglehkhuid, ka jingdih drok, bad ka jingpynnehpynsah ia ka mariang. Kine ki sienjam ki pyni ia ka jingkut jingmut ka sorkar India ban tei ia ka imlang sahlang kaba khuid, kaba koit ba khiah bad kaba lait na u drok. Lyngba ka jingiatreilang bad ki nongshong shnong jong ka thain bad ki samla ha kine ki prokram ai jinghikai, ka CBC Shillong ka la nohsynniang sha ka thong Viksit Bharat (ka India kaba la kiewshaphrang). Ka jingjop jong kine ki prokram ka pyni ia ka jingkongsan ka jingiatreilang bad ka bynta jong man u briew ban wanrah ia ka lawei kaba bha ia baroh.