Pynlong kilan met ka NDMSA ban iada na u jumai

Ka tnad Revenue & Disaster Management bad ka Meghalaya State Disaster Management Authority ryngkat ka National Disaster Management Authority jong ka tnad Home Affairs ka sorkar India, hynne ka sngi ka la pyllong ia ka jingai jinghikai ka Table Top Exercise halor kumno ban iada haba khie u jumai ne haba shah khyrwit ha kino kino ki bor mariang. Haba kren ha kane ka sngi, u heh barim ka National Disaster Management Authority (NDMA) u Lt. Gen. Syed Ata Hasnian ula maham ba katba nang wan ki karkhana, ki surok, ki kad liengsuin bad kiwei ki kam jong kane ka juk, katta ruh ka jingjia kan nang mih. U Syed Ata ula ong ba ka ri ka ladep mad shibun ki jingjia na ka bor jong ka mariang hynrei haba la pynkhreh kumno ban iada, kan kham lait na ka jingjulor.

“ Ha ki snem mynshwa ka ri India ka la mad shibun ki jingjia kum ka jingwan ka Tsunami, u Cyclone, u Jumai, hynrei namar ba la pynkhreh katkum ka juk saian kumno ban ai jingiada bad lyngba ka jingiatreilang hapdeng ki tnad bapher bapher kum ka tnad bording, ka tnad peit suin bneng bad kiwei kiwei, la kham lah ban iada na ka jingshah pynjulor ha ka bor mariang,” ong u heh ka ka NDMA u Syed Ata.U la ong ba kane ka sobjek kan long kawei kaba donkam tam ha ki skul bad ki college ha ki sngi kiban sa wan. U la ong ba kaba donkam ka long ba ki nongshong shnong ki dei ban tip bad ka jingnang ban iada nyngkong haba mih kano kano ka jingjia.

U Syed Ata u la ong ba ki nongshong shnong ki dei ban don ka SACHET app kaban ai jingtip halor ka jingwan ka eriong bad ka lynti iaid jongka, khnang ba ki briew kin tip kumno ban iada lypa.Ha kane ka sngi la donlang u Comissioner & Secretary ka Revenue & Disaster Management u Sanjay Goyal, u heh barim ka NDMA, Delhi u Gen. Sudhir Bahl, ka Deputy Commissioner ka EKH, nalor kiwei de ki heh sorkar na ka tnad bapher bapher.