U Nongialam ka National People’s Party (NPP) uba dei ruh u Symbud Myntri Rangbah u Bah Sniawbhalang Dhar u la pyntip ba u Myntri Rangbah ka Jylla U Conrad K Sangma u la bthah ia baroh ki MLA ba kin shong bishar bad lum jingkhein ia ki kam pynroi ha la ki jong ki Constituency.Ïa kane u Bah Sniawbhalang ula ïathuh haba kren halor ka jingïalang hapdeng ki 22 ngut ki MLA ka Ri-lum Garo bad u Myntri Rangbah ka Jylla u Conrad K Sangma uba dei ruh u National President ka NPP.
Haba kren sha ki lad pathai khubor u Bah Sniawbhalang ula ong ba Watla u khlem leit iashim bynta ha ka jingïalang hynrei ki MLA ki la iakren halor ki kam pynroi ba ki la pyntrei ha la ki jong ki Constituency.“U Myntri Rangbah ula bthah ia ki MLA ba kin shong bishar bad lum jingkhein ia ki kam pynroi ba la pyntrei ha ki Constituency jong ki ha kine ki ar snem shiteng” la ong u Bah Sniawbhalang.
U la ïathuh ba kum kane ka jingialang bad ki MLA ka ri-lum Khasi-Jaintia ruh kan sa long bad ka dei ka ban dang pynbeit ia ka tarik.Haba kylli halor ka jingbujli kam hapoh ka kynhun Myntri, u Symbud Myntri Rangbah u la ong ba ka rai ban bujli shuki Myntri Sorkar ka shong hi ha u Myntri Rangbah ka Jylla ba un shim ia ka rai.
You may also like
-
Dawa ka KSU ban mynjur da ka Resolution ban pyrshah tih Uranium ha Domiasiat
-
Bam khniang u Riewhadem, lyniar ki nongrep ha WKH
-
Pynshlur u Lamphang ia ki samla ban shakri ban pynkylla ia ka lawei
-
U dewiong um neh junom, donkam kiwei ki lad kamai, ong ka Santa Mary
-
Ka sorkar kan khang noh ban wanrah sniang na shabar jylla ‘Shah ktah ki nongrep na ka African Swine Flu’