Ka Department of Information Technology ha Martin Luther Christian University (MLCU) ka la pynlong ia ka prokram ha shnong Khliehasem ban pynphriang ia ka jingsngewthuh shaphang ka jingkiew jong ki social media ha kiba bun ki pareng ba mynta.
Ia kane ka prokram la ialam da ki samla pule BCA 4th semester halor ka phang, “Ka Social Media bad ka Jingioh bynta jong ka haki pateng bapher bapher”.
Ki samla pule ki la ia syllok bad ki paidbah ka thain bad ki la batai sha ki, shaphang ka jingbha bad jingsniew jong ka social media, kynthup ban pynbha ia ka jingkren bad ban ioh ia ki jingtip, kumjuh ki jingtynjuh kum ki jingai jingtip kiba bakla, ka jingkyrni, ba pynduna ia ka jingiakren shimet bad ka jingktah ia ka jingim kaba man ka sngi hapdeng ki khun samla, ki riew rangbah ba kiba la tymmen.
Ban pynlong ia kane ka prokram kaba kham lah ban pynsngewthuh, ki samla pule ki la leh ia ka skit ne drama ba pyni shaphang ki jingim bashisha ba shah ktah ha ka social media. Kane ka drama ka long ka khubor kaba biang paka halor ka digital awareness bad ban pyndonkam da ka jingkitkhlieh, ia kaba la iohpdiang da ki nongshong shnong.