U Myntri ka tnat Pule Puthi u Bah Lahkmen Rymbui hynne na sngi ula pyntip ba naduh 2 tarik Jymmang 2026, ka Sorkar kan sdang ban siew ia ka tulop thymmai (New Pay Framework) ia ki nonghikai hapoh ka Jylla.Haba kren sha ki lad pathai khubor u Bah Lahkmen ula iathuh ba ka tnat Pule Puthi ia mynta ka dang bishar ia ki kot ki sla (Verification) jong ki nonghikai bad kane ka kam ruh kala jan dep artad.U Bah Lahkmen ula pynkynmaw ba kane ka jingsiew tulop thymmai ka dei ka sienjam ba ka kynhun Myntri Sorkar ha ka jingialam u Myntri Rangbah ka Jylla u Conrad K Sangma ka la shim dangshen.
“Mynta ngi dang don hapdeng ka jingbhar bniah ia ki kot ki sla (Verification) jong ki nonghikai ia kaba ka kam ruh kala jan dep bad haka 1 tarik Jymmang 2026 ki nonghikai kin sa ioh iaka tulop thymmai” la ong u Bah Lahkmen. Haba iadei bad ka jingthung nonghikai ha ki Secondary School khamtam kito ki skul kiba dang shah kyntiew kyrdan thymmai, u Myntri u la ong ba haduh mynta ka Sorkar ka dang thung nonghikai Contract’.
U Myntri ula pyntip ba ka jingkren ka dang iaid bad shen haki bnai ban wan, ka Sorkar kan sa lah ban pyndap iaki kam nonghikai ba dang thylli khamtam haki skul ba dang shu shah kyntiew kyrdan.
You may also like
-
Shah kem 2 ngut bad ïoh kurup 32.64 gram u Heroin
-
Ka Ropeway Ha Ki Ranab U Lum Shyllong: Ka Dei Tang Ka Rongphong-TUR
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat