Pynmih ia ka kali Toyota ia ka rukom pynkylla kali da ka kti na ka bynta ka kali Legender 4X4

Haba kren shaphang ka jingkiew jong ka jingdawa ïa ki kali SUV kiba lah ban treikam bha, kiba lah ban pyndonkam ha bun ki jait jaka bad kiba itynnad, ka Toyota Kirloskar Motor (TKM) hynne ka sngi ka la pynmih ïa ka Manual Transmission (MT) jong ka Toyota Legender 4X4. Ba la shna kyrpang na bynta kito ki briew kiba sngewtynnad bha ban niah kali, kane ka jait kali ka nang pynkham bha shuh shuh ia ka jingniah kali bad ka jinglah tehlakam, ryngkat bad kaba ai ïa ka jingkhlaiñ, ka jingi sjongkhia bad bad ki kor treikam kiba thymmai. Ba la shna ban lah ban ñiah ha kino kino ki jait jaka, ka Legender ka la mih ha India ha u snem 2021 ryngkat bad ki jinglah ban niah 4X4 kiba kham janai, kaba la pynlong ïa ka ka kali ba biang tam ban ñiah sha ki jaka kiba kham eh ka lynti. Ha bynta pdeng jong ka Legender 4X4 MT kaddei ka jingdon jong ka 2.8L diesel engine kaba la shna ban ai bor kaba ym pat shem hawei pat. Ka ai ruh ïa ka 204 PS ka jingkhlaiñ, bad ka 420 Nm torque, kane ka kali la shna kyrpang na ka bynta kito kiba sngewtynnad ban tehlakam pura ia ka jingniah jong ki. Haba kren shaphang ka jingpynkih jong ka Legender 4X4 MT, U Varinder Wadhwa, Vice President, Sales-Service-Used Car Business, u la ong, “Ngi sngew skhem mynsiem ba ngi la lah ban trei ban pynmih ka kali kaba ïa jan bad ki kali SUV kiba bha tam, kaba pyntikna ba man ki sien ñiah kin long kham khraw, kham biang, bad kiba la shna kyrpang na ka bynta ki jingdonkam jong ki nongñiah ha India.”

Ka rukom pynwandur ïa kine ki kali ki don lang ïa ki jingitynnad lashai bad ruh ki jingitynnad kaba la pynwandur da ki buit thymmai nad kiba na ka bynta ki surok mynta. U bumper nakhmat bad nadien kiba la ioh mynsiem na ki Catamaran, ryngkat bad ka grille na khmat kaba nep bad kaba jlih kaba don bad ka rukom pynwandur kum ka piano-black, ki pynlong ïa ka kali ba kan long kaba shai bad kaba thaba. Ka Split Quad-LED headlamp bad ki Waterfall LED Line Guide Signature ki pyntikna ban ai jingshai, katba ki signal ban phai ki ai jingitynnad ba mynta ïa ka SUV. Kane ka kali ka shong halor ki shaka alloy ba 18-inshi ne ki 18 inch multi-layered machine-cut finished alloy wheels, ka Legender ka sarong namar ka jingkhlain jong ka kaba iahap bad I don bor ha ki surok.

Hapoh, ka jaka shong ka pyni ia ka jingi rem bad jingitynnad lyngba ki jingdon ki ar rong kata ka Black & Maroon, kiba don ruh bad ki jingsuh kiba shai ha u steering bad console box na ka bynta ka jingitynnad kaba janai. Ki don ruh ki lait kiba hapoh kiba la buh Markhap bad ka instrument panel, ki jingpyndait ha ka jingkhang khmat ne front door trim, bad ki jaka iuh kjat ne footwear area ki pynkham khraw ïa ka jingbha jong ka kali, kaba pynlong ïa man ka jing leit jingleit kaba sngewtynnad. Ki kor pynsawa, ki Premium 11 JBL speaker kiba don ïa ki subwoofer bad ki amplifier ki ai ïa ka jingsawa kaba tawiar, kaba pynlong ïa ki jingñiah bad ki jing shong kali jngai kiba kham sngewtynnad.