Pynmih ka Godrej Agrovet ia u Pride Hog Feed

Ka Godrej Agrovet Limited (Godrej Agrovet), ka kompany ba paw bha ha ka liang ki kam rep bapher bapher, mynta ka sngi ka la pynbna ba la pyllait ia u Godrej Pride Hog, u jingbam sniang ba bun jait ba la shna kyrpang katkum ka jingstad saian khnang ba ki sniang kin ioh ia ki jingbam ba tei ha ka jingim jong ki. Une u jingbam sniang u don naduh U Starter, Grower, bad Finisher, ban pyntikna ba ki sniang kin ioh ia u jingbam ba tei khnang ba kin long kiba koit ba khiah, kiba lait na ki jingpang bad ba kin san pura. Kum shi bynta na kane ka jingpynmih ia une u jingbam, ka Godrej Agrovet ka la pynlong ia ka jingia phylliew jingmut ha Guwahati ban ia kren shaphang ki lad ki lynti ban iada ia ki sniang na ka jingpang African Swine Fever (ASF) bad kiei ki rukom bad ki kyndon ba donkam ba bha tam ban leh haba peit ia ki jaka ri sniang. Ha kane ka lympung la wan ban iashim bynta da ki riew shemphang kiba iadei bad ki kam ri sniang, ba kynthup ia U Dr. Purnananda Konwar, General Manager, Assam Livestock and Poultry Corporation Ltd bad U Capt. (Dr.) A.Y. Rajendra, CEO, Animal Feed Business, Godrej Agrovet.

Haba kren ha ka sngi ba pyllait ia une u jingbam, U Balram Singh Yadav, Managing Director, Godrej Agrovet u ong, “Kumba shiteng na ka ri la kumno kumno ~9-million ki sniang ki don ha ka thain shatei lam mih ngi, ka kam ri sniang kadei kawei na ki lad kamai na ka bynta kito ki nongrep kiba dang rit ka rukom rep bad kiba dang duna ka jingmih na ka rep. Ha kaba iadei bad kane ka jingthmu jong ngi ban kyntiew ia kum kito ki longing nongrep, U Pride Hog udei u jingbam sniang uba bha, ia uba la shna kyrpang da ka jingwad bniah baune u jingbam un iarap ia ka koit ka khiah jong ki sniang, un pynkhlain ia ka bor met, bad ai ka jingheh jingsan ba pura. Ngi sngew skhem ba une u jingbam un iarap ban noh synniang ban kynriew ia ka jingioh nong jong ki nongrep bad ban ioh ka jingmih na ka kam.” Naduh ba la lap nyngkong eh ia ka jingpang ASF ha ka snem 2020, ka ASF ka la buh jingeh ia ki nongri sniang ha ka thain shatei lam mih ngi. Kane ka jingpang kaba iabit bha kaba ktah ia ki sniang kiba ri hasem bad ki sniang khlaw, ka la ktah bhai a ka ioh ka kot namar ka jingjur jong ka jingiap ki sniang. 

U Dr. Purnananda Konwar, General Manager, Assam Livestock and Poultry Corporation Ltd, U ong, ” Ka jingshah ktah bha jong ka thain shatei lam mih ngi na ka jingpang ASF ka pynlong ban sngewthuh ba donkam ban wanrah ia ki lad ki lynti ban iada ia ka jingpang bad ban kham pynbha ia ka rukom ri sniang katkum ka juk. Ki sienjam kum ka National Livestock Mission ka la iarap bha ia ki nongrep bad kito kiba ha kane ka khaii pateng ban shim noh da ki lad ki lynti kiba katkum ka saian ban wanrah ia ka jingpynkhlain ia kane ka bynta.” Namar ka jingbym don jong ki vaccine, kumta ka jingdonkam ban tehlakam ia ka jingpang ASF ka shong eh ha ki lad jingiada kum ka jingdon ia ki kyndon ba pyrkhing ha kaba iadei bad kine ki mrad, ban da tehlakam ia ka jingiaid jingieng jong ki sniang, ban set slung shipor ia ki sniang ba pang, bad ban pynkhuid bha ia ki sem. Nalor kane, dei ruh ban ai ia ka jingbam ba bha ban kham lait na ka jingshah ktah ha ka jingpang.