Ka Congress party ka la nangioh bor bad nang khlain na Umroi konstiwensi, hadien ka jingleit iasoh jong ki katto katne ki nongialam ka Umroi Constituency Progressive Forum (UCPF). Kane ka kynhun UPCF la thaw khnang ban lum lang baroh ki nongialam ka TMC, hadien ba u bah George Lyngdoh u la don ka jingthmu ban leit iasoh noh sha ka NPP ban iakhun ia ka MP ilekshon ba dang dep shen.
Katkum ka tyllong khubor, ka UCPF ha kine ki khyndiat sngi, ka la lum ia ka jingialang ban iakren bad ki nongialam ka Congress bad ki la rai ruh ban tyrwa ia ka kyrteng jong u bah MD Syiem ban long kum u kyrtong na bynta ban iakhun ia ka ilekshon MDC na Umroi konstiwensi. Ka tyllong khubor ka iathuh ruh ba ha kine ki khyndiat sngi, kin sa nang don shuh shuh kiwei ki nongkitkam ka UPCF kiban dang wan ban iasoh sha ka Congress.
Lada kine ki nongkitkam, kin wan ban iasoh sha kane ka party, kan long ka kabu ia ka party Congress ban jop ha kane ka ilekshon MDC na Umroi constituency.
You may also like
-
Ka sain pyrthei ha jylla ka lah ban kylla
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad