Pynmih ka TKM ia ka kali Camry Hybrid Electric Vehicle ba thymmai

Ka Toyota Kirloskar Motor mynta ka sngi ka la pyllait paidbah ia ka kali Camry hybrid electric vehicle kaba thymmai, ia kaba la shna pynwandur “ba kan long kum ka sedan”. Haba kren shaphang ka jingtrei ba radbah ban pynurlong ia ka thong ban pynduna ia ka jingpynmih carbon, kane ka kali Camry Hybrid Electric Vehicle ba thymmai ka don ia ki kor ki bor teknology kiba mynta ia kaba la tip kum ka 5th generation hybrid technology, bad ka jingdon jong kane ka teknology ka iarap ban nang kham pynnha shuh shuh ia ka jingbit jingbiang ka kali bad pynbha ruh ia ka rukom treikam jong ka. Kane ka model kaba thymmai ka don ia ki rukom treikam ka juk mynta kiba bha khamtam ha kaba iadei bad ka jingshngain, ka bynta ba shabar jong ka kali bad kumjuh ha ki bynta ba shapoh ka long kaba la nang kham pynbha shuh shuh, ka don ia ki teknology kiba biang ba bit, kumta kane ka kali kadei ka kali kaba la lah ban pynurlong ia ka jingangnud ba kyrpang jong ki nongthied. Kane ka kali Camry Hybrid Electric Vehicle ba thymmai kam long shuh tang kum ka kali hynrei ka la kham tam ia kata ruh- kadei ha kajuh ka por ka kum kata ka jingshna kaba la nang kham pynitynnad shuh shuh bad kaba kyrpang bha.

La shna da ki buit thymmai kiba biang bha bad ka bor treikam jong ka kadei ka Hybrid Powertrain:  Kane ka kali ka dei kaba don ia ki teknology kaba ym pynmih ia ka lyer jaboh, shuh shuh kane ka kali Camry Hybrid Electric Vehicle kadei ka kali kaba khlain bad kaba don ia ka 2.5L Dynamic Force Engine, kaba ai haduh 221 Nm ka torque ha ka 3200 rpm. Ka don ruh ia ka jingtreikam kaba lah ban pyniaid da ka elektronik ne electronically controlled continuously variable transmission (e-CVT), kane ka kali ka pyntikna ban don ka jingniah kaba suk bad kaba aram haduh katta katta. Nalor kata kane ka kali ka don ruh ia ka e-CVT kaba ai ka jingtyrwa kaba lah ban kylliang ka rukom niah- kata Sport, Eco, and Normal—ban pyniahap bad bun jait ki rukom niah. Nalor kata, ka don ruh iaka Toyota’s 5th Generation Hybrid Technology System, kaba don ia u Li-ion battery uba khlain kaba iarap ia ka Camry Hybrid Electric Vehicle ba kan pynmih iaka bor kaba long 169kW (230 PS). Kane ka Hybrid Systemka duna ruh ka jingbam umphniang kaba long tang 25.49 km/l*, bad pynlong ia kane ka kali kaba biang na ka bynta kito kiba kwah ban don ka kali kaba bha ia ka mariang, bad kiba sngewtynnad ban don ia ka kali sedan kaba I rem.

Haba kren ha ka sngi ba pyllait ia ka kali thymmai, U Masakazu Yoshimura – Chairman, Managing Director and Chief Executive Officer jong ka Toyota Kirloskar Motor, u ong, “Ka jingpynmih ia kane ka kali Camry Hybrid Electric Vehicle ba thymmai kadei jingpynpaw ia ka jingtrei ban pynmih shuh shuh ia ki kali kiba bha, kiba iaineh kiba iadei ruh bad ka thong jong ka Toyota’s Global Environmental Challenge 2050. Ka India ka iai bteng ban long ka iew kaba donkam bha, bad ka jingpynmih jong ngi ia ki kali ka iahap bad ka thong ba ha khmat eh jong ka ri bad kata ka long ban pynduna ia ka jingmih ka lyer carbon bad pyn urlong ia ka jingpynbiang ia ka jingdonkam ia ka bording. Ha kaba iadei bad kane, kumta ngi la wad ia ki lad ki lynti ban pynmih ia ki kali kibym pynjaboh ia ka mariang bad kyntiew ruh ia ka jingpynioh bor ding ia baroh ha ka rukom kaba biang bad kaba sted. Ka jingpynmih ia ka kali Camry Hybrid Electric Vehicle ba thymmai kadei ka jingtyrwa ban pynmih ia ki kali ki bym pynjaboh ia ka mariang, bad kan iai bteng ban nang pynkhlain bad noh synniang ban pynlong ia ka lawei kaba lait na ka jingmih carbon bad pynlong ia ka imlang sahlang kaba kmen.”.

Haba pynpaw ia ka jingsngew, U Tadashi Asazuma, Deputy Managing Director, Sales-Service-Used Car, Toyota Kirloskar Motor & Lexus,u la pynpaw, “Kane ka kali Camry kaba thymmai ka pyni shisha ia ka jingtrei ba radbah jong ngi ban pynmih ia ki kali kiba biang ha ka rukom treikam, kaba iaineh, bad kaba don ia ki buit treikam thymmai. La shna ia kane katkum ka jingmut jong ka ‘Sedan to the Core’, kane ka kali Camry ba thymmai kadei ka kali kaba biang bha ha kaba iadei bad ka jingniah bad ka jingai khublei ka iaid sha ka jingdon jong ka 5th generation hybrid system, kaba pynlong ia kane ka kali kaba biang bha.