Pynskhem biang ka TKM ïa ka jingïaikut jingmut jong ka ban pynneh ïa ka mei mariang ha ka sngi “Earth Day”

Ha kane ka ‘Earth Day’ kaba mynta u snem, katba ki ri ka pyrthei ki iatylli lang halor ka mat ‘Our Power, Our Planet’, la pynkynmaw biang ia ngi ba ka jingkitkhlieh ban ïada ïa ka mariang ka shong ha ngi iwei pa iwei. Ha ka Toyota Kirloskar Motor (TKM), kane ka jingkut jingmut ka shong tynrai ha ngi–kaba pynlong ïa ngi ym tang ba ngin pynmih ia ki buit treikam thymmai  bad pynmih ia ki kor ki bor na ka bynta ki kali elektrik (xEVs) kiba kynthup ia ki kali kiba pyndonkam da kiwei ki jait umphniang kali bapher bapher, hynrei ban ïalam ruh ïa ki jingsdang ban pynneh ïa ka mariang kiba kynthup ïa ki jingpyndonkam jong ki kor ai bor ba lah ban pynthymmai bun sien ha ka jingpyrshang ban pynlong ia ka pyrthei ha kaba ka mariang kan long kaba lah ban iai shah ia ki jingkylla. Ha kaba pyniahap bad ki kyndon treikam jong ka Toyota’s Environment Challenge 2050 (Challenge 1-6) ha ka pyrthei baroh kawei, ba la pynbna ha u snem 2015, ngi ha ka TKM ngi la nang pynkloi ban kylla sha ka carbon neutrality ne ka jingpynduna ha ka jingpynmih ia ka carbon, da kaba shna ym tang ki tiar hynrei palat ia kita kiei kiei baroh, da kaba pyndonkam ïa ki rukom treikam kiba iaineh ha ki jaka ba shna kali bad ha ki bynta bapher bapher jong ka jingtreikam jong ngi. 
Haba ïa dei bad kitei haneng, ka Challenge 1-3  ka ïadei bad ki jingpynmih jong ki tiar teknology kiba khuid, bad ka rukom pynmih ia ki tiar ki tar ruh ka long kaba khuid bad ka bym pynjaboh ia ka mariang, da ka jinthmu ban pynduna katba lah ia ka jingpynmih ia ka carbon kat haduh ban da lah ban ym pynmih shuh. Shuh shuh nalor ka jingpynduna ïa ka jingpynmih CO2 ha man ki kyrdan jong ka jingpynmih kali (ka jingpynmih ia ki tiar ki tar/ ki tiar kali lyngkhot lyngkhot, ka jingpyndait ia ki bynta bapher bapher jong ka kali, ka  jingshna, ka jingbam bording/ka jinpynneh pynsah ia ka bording bad ka jingpyndonkam da ka bording kaba thymmai biang ha ki jaka shna kali bad kumta ter ter), ngi la nang kiew ruh ïa ki jingpyrshang jong ngi hapoh ka thong ne ka Challenge 4-6 kaba thmu ban pynduna ïa ka jingpyndonkam um, ka ban kyntiew ïa ka imlang sahlang ka ban sain biang ia ki mar ki mata kiba la dep ban pyndonkam, ka ban pynmih ïa ki pateng kiba im suk bad ka mariang. Kane ka jingpyntreikam jong ngi mynta ka treikam ha ka 100 na ka 100 da ka bording kaba thymmai biang na ka por sha ka por ne ka renewable grid electricity; palat ïa 96 na ka 100 na ki jaboh ba ngi pynmih, ngi pyndonkam biang ïa ki; bad 89.3% na ka um ba ngi donkam na bynta ki jingpyntreikam jong ngi, ngi ïoh da kaba pyllang ïa ka um slap—kaba pyni ïa ka jingpyrshang jong ngi ban ïaid sha khmat ban long ka kompany kaba Zero Carbon, Zero Liquid Discharge, bad Zero Waste to Landfill ne ka kompany kabym pynmih ia ka Carbon, ia ka um jaboh, bad ym pynmih ruh ia kino kino ki niut ki nier ne kino kino ki tiar ba kyntait ba hap ban bret sha ki jaka theh nuit ne bret ia ki tiar ba kyntait.

Hapoh jong ka Toyota Green Wave Project, lyngba ka rukom pyntrei Miyawaki, ngi lah thung palat ïa 328,000 tylli ki dieng, ban pynkhie im biang ïa ka mariang, bad ban pynriewspah biang ïa ka sawdong sawkun da ki jingthung jingtep ia ki 790 jait ki jingthung kiba mih na kato ka jaka bad 400 tam ki mrad kiba ha ki jaka jong ngi. Mynshem snem, ngi la thung palat ban ïa ka 8,000 tylli ki jingthung shabar ki jaka trei ki jong ngi ban nang pyngheh shuh shuh ïa ka green footprint ne ka jingdon ki jingthung jingtep . Ka Ecozone jong ngi, ka jaka kaba 25 akar kaba long ka jaka ïoh jinghikai, ka lah ïarap ïa kumva 40,000 ngut ki khynnah bad ki nongbei pisa da kaba ai jingtip bad jinghikai, da kaba hikai ïa ki jingkylla kiba bha ban long ki nongjngoh ïa ka mariang.

Katba ngi nang ïaid shaphrang bad ka jingpyrshang jong ngi ban ïoh ïa ka ‘Carbon-Neutral Manufacturing Operations’ shwa u snem 2035, ngi ïai trei ban nang kyntiew shuh shuh ïa ki jingpyrshang jong ngi ha ki energy efficiency, sustainable material usage, environmental compliance bad ka adoption of cleaner technologies – baroh ki ban pynpoi ïa ngi sha ka ban pynduna ïa ka jingktah sha ka maring. Shuh shuh, ngi ïai pyrshang ban nang ïa sam ïa ki jingpyrshang kiban ïarap ïa ka mariang bad ki nongdie, bad ki nongsnoh kti lem bad ki nongtrei jong ngi, khnang ban nang pynkiew ïa ki rukom treikam kiba lah ban ïarap ïa ka mariang. Katba ka India ka nang pyrshang ban pynkylla sha ka ri kaba long energy independent, ka jingtreikam jong ki kompany kali ban pynmih ïa ki lad kiban ïarap ïa ka mariang ka long kaba kongsan. Katba ngi nang ïaid shakhmat, ngi pyrshang ban  wanrah ki jingkylla kiban ïarap shisha, ha kaba man ka sur ka wanrah jingkylla, bad man ka jingtreikam ka wanrah ïa ka mariang kaba khuid bad kaba khlaiñ.