Pyrshah ka seng kontraktor Ri Bhoi ia ka tnad Soil ban ai jingtrei ba 27 klur sha u Nongwei

Ka Kynhun jong ki nongtreikam Contractor ka All Ri Bhoi Contractors and Suppliers Association ka la Pynpaw ïa ka jingbym sngew ïahap bad pyrshah ruh halor ka jingpynlait tender da ka tnad Divisional Soil & Water Conservation, Ri Bhoi District ban shna ïa ka Water Harvesting Structure ha Ri Bhoi bad ïa katei ka kam la ïoh tang da uwei u Briew.

Haba kren sha ki lad pathai khubor, na ka liang u bah Plielad Tiewsoh, kum u vice President jong katei ka kynhun ula ïathuh ba na ka liang ka Tnad Divisional Soil & Water Conservation, Ribhoi District ka la pynlait ïaka tender naka bynta ka jingshna ïaka Water Harvesting Structure bad ïa katei ka kam la ïoh tang da uwei u Briew hakaba ki la dei ban ailad ïaki Local contractor ban trei ia kane ka kam.Shuh shuh u la Pynpaw, halor kane ka jingpynmih iaka tender da katei ka tnad treikam sorkar naka liang ka kynhun ki nongtrei kam contract na Ribhoi ka pyrshah jur namar ia katei ka kam la dei ban ai bynta lang sha ki Nongtrei contact na Ribhoi khnang ba kin ioh kam lang namar hapoh ka them Ribhoi ki don bun ngut kiba ju trei bad im ja kpoh na ka kam Contract.

U bah Plielad Tiewsoh kum u Vice President ka kynhun, u la iathuh ruh ba ki la leit ban ia kynduh ïa u Divisional Soil & Water Conservation Ophisar ban Pynpaw ha u ia kane ka jingangnud ba kum ki Local Contractor ki dei ban ïoh bynta lang na katei ka tender ba la pynlait daka ophis jong u.La iathuh ruh, Naka liang ka kynhun kan sa pynkhreh ruh iaka dorkhas bad ban leit aiti pat sha u Myntri Rangbah ka jylla ban Pynpaw ïaka jingeh halor katei ka kam.