Rah ka tnad Kam Riewlum ia ka khusnam Best Tableau Award ha ka Republic Day 2025

Ka Tnad Kam Riewlum ka la ioh ia ka khusnam Best Tableau napdeng ki Tnad Sorkar Pdeng ha ka Republic Day Parade kaba 76 ha u 2025 namar ka tableau kaba riewspah ha ka deiriti kaba don nongrim ha ka “Janjatiya GauravVarsh”, kaba rakhe ia ka lyngkhuh sngi kha ba 150 jong u Bhagwan Birsa Munda. Ka tableau ka la pyni ia ki jingngeit tynrai jong ki riewlum lyngba u dieng Sal, uba long kum ka dak jong ka jingkhlain, ka jingiaineh bad ka jingiadei kaba jylliew hapdeng ki riewlum bad ka mariang. Ka phang, “Jal, Jungle, Jameen”, ka la pyni ia ka jingnang jingstad ba iaineh jong ka jinghiar pateng ki nongrim jong ki riewlum bad ka jingnoh synniang jong ki sha ka jingiakhun na ka bynta ka jinglaitluid bad ka jingtei ia ka ri. Ki jingpyniia ka jingshad Paika na Jharkhand bad ki jingsawa ka Nagadana Chhattisgarh ki la pynsngewtynnad ia ki briew, kum ka dak jong ka Atmanirbhar Bharat bad ka jingngeit ha ka Shreshtha Bharat. Halor kane ka jingjop kaba khraw, u Myntri Sorkar Pdeng ba dei khmih ia ka tnad Kam Riewlum, JualOram u la ai jingsngewnguh da kaba ong, “Kane ka dei ka jingai burom ia ki kam jong u BhagwanBisraMunda bad ka jinghiar pateng ka deiriti jong ki riewlum jong ka India. Ka tnad ka ieng skhem ban pynkup bor ia ki riewlum lyngba ki sienjam kum ka PM-JANMAN, DhartiAabaAbhiyan, bad ki skul Eklavyakiba pynthikna ia ka jingkiew shaphrang ba pura jong ki. Kane ka jingioh jingithuh ka pyni biang ia ka jing thmu jong ngi ban ioh ia ka Viksit Bharat ha kaba baroh ki sur jong ki riewlum ki dei kiba iohsngew bad kiba la rakhe.”

U Myntri Khynnah ka tnad Kam RiewlumDurga Das Uikey, u la ban jur halor ka jinglong kongsan kane ka khusnam da kaba ong “Kane ka khusnam ka long kum ka jingpdiang ia ki jingnoh synniang jong ki riewlum na ka bynta ka ri. Ki kam jong ki kin dang bteng ban ai mynsiem ia ki pateng ban wan, bad ngi bteng ban ieng skhem ban pynneh bad kyntiew ia ka hiar pateng jong ka deiriti.”UVibhuNayar, Secretary ka tnad Kam Riewlum u la iarohia ki kam jong ka kynhun da kaba ong, “Ka jingjop ia ka khusnam Best Tableau ka dei kaba pynsngewtynnad bha ia ka tnad Kam Riewlum. Ka tableau ka la pyni ia ka nongrim jong ka JanjatiyaGauravVarsh, kaba long ka dak jong ka jingskhem jingmut bad ka jingnoh synniang jong ki riewlum. Kane ka jingioh jingithuh ka pynskhem shuh shuhia ka jingkut jingmut jong ngi ban kyntiew ia ki kam saindur, ka deiriti bad ka jinghiar pateng jong ki riewlum ha ka ri bad shabar ka ri.”

Ka tnad Kam Riewlum ka ai jingsngewnguhia ki briew jong ka India kiba la ai ka jingkyrshan bad ka jingpynshlur. Kane ka burom ka dei jong baroh ki riewlum bad ki khana, ki jingiakhun bad ki jingjop jong ki ki bteng ban ai mynsiemia ki pateng ban wan.