Babiang Shillong, Iaiong : Ki 2 tylli ki jingrwai Folklore jong u Dr. Hamar Babiang Kharlukhi kiba la ai kyrteng “Ko Lapalang” bad “Ka jingshad U Laiphew Doh” ki la jop ia ki khusnam bapher bapher ha ka Venus Brightest Star International Film Festival 2026 kaba la long dang shen ha nongbah Mumbai.
Lah ban kdew ba ka Folklore Music Video “Ko Lapalang” ka la jop ia ka khusnam Best Music Video, ka Best Lead Actress ba la jop da ka Nakiwandakmen Warjri bad Best Director ba la jop da u Bah El Dhar bad Bah Elmer R. War.
Katba ka Animated Folklore Music Video “Ka Jingshad U Laiphew Doh” ka la jop ia ka Best Animation Short Film, Best Writer ba la ioh da i Dr. Hamar Babiang Kharlukhi bad Best Animator ba la ioh da u Jaksram K. Marak.
Lah ban kdew ruh ba ki don kumba 100 tylli ki phlim kiba na kane ka Ri ka jong ngi lem bad kiba na bar ri ruh kiba lah shah jied ban iadon bynta lang ha kane Film Festival kaba long ruh ka rynsan ban kyntiew ia ki kam jong ki nongshna phlim bapher bapher.
You may also like
-
Shi miet 4 tylli ki thuk thuk rong ki nongtuh na thain Mairang
-
Mynjur ka sorkar ban thungkam pura ia ki Nongtrei Adhoc
-
Iasoi ka Meghalaya bad Starlink ban kyntiew ia ka jylla ha ki kor Digital
-
Hadien 6 bnai kem ki pulit ïa u nongpyniap ïa u heprit na Nongrah
-
Ka jingjied sordar Raid Tynring da ki 7 kur, la suba dei na jingdie jaka be-ain