Kawei ka dukan ha Motphran ba la tip kum ka Shaunak Sweets and Snack ka la kem ding bad pluh kynsan hynne ka sngi kaba la wanrah ka jingjulor ba shyrkhei na ka jingpluh ding.
Kane ka jingjia kala jia ha ka por kumba 12:30 mynsngi bad kane ka jingkem ding kala sdang na ka jaka shet jingbam bad kala pur lut sha kane ka dukan bam kaba don hapoh jong ka Jwain Complex kaba don marjan bad ka Palace Restaurant.
Katkum ka jingiathuh u Gautam Pathak u Manager kane ka dukan ula ong, namar ka jingbym ioh ia ka Commercial LPG kumta ki la pyndonkam noh da ka Diesel ban shet jingshet hynrei namar ka jingjur palat ka lyer ka la mih kane ka jingpluh.
Haba ka la mih kynsan kane ka jingpluh, ki nongpyniaid jong ka dukan bad ki nongtrei kila pynmih noh wut wut ia ki nongwan dih sha bad kila ialeh ruh ban tem ia kane ka ding bad da ka jingwan kloi ki kali pynlip ding la lah ban tem noh ia kane ka ding ba kan pur sha kiwei pat ki dukan kiba don hapoh jong kane ka Complex.
Ha kane ka jingjia ym shim la don mano mano ruh kiban mynsaw ne ban mad ia kano kano ka jingjia kaba sngewsih lait noh tang ka jingjulor ki jingdon jingem hapoh kane ka dukan sha kaba die ia u puri bad ki mithai kiba bunjait.
You may also like
-
Ki surok ha New Jirang ki la sniew lut, palat 28 snem ka PWD kam shym maramot
-
Kyllon iap 4 ngut ki runar ha ka jingiasiat bad ki pulit ha Songsak
-
Shah pynngat mukotduma thymmai ki nongialam KSU
-
Na ka jingleit Delhi ban pyrshah FCRA, lah ban leit iasoh BJP ki MLA UDP
-
Pynkup burom ka NEAU, Khliehtyrshi ia 299 ngut ki samla pule