Rai pynrem ka iingbishar ia 2 ngut ban set phatok shi jingim

Ka ïingkashari ka Special Judge jong ka East Jaintia Hills District ka Kong B Khriam, ka la rai pynrem ia u Ramesh Dkhar ban set phatok shirta jingim ryngkat ka kuna T.10 hajar. Katkum ka kyrwoh na u SP ka EJHD ula iathuh ia katei ka jingjia la rejistar mukotduma ha ka Khliehriat Women Police Station katkum ka C/No 11 (03) 2020 bad la bynshet ha ka WPI ka Kong O Tyngkan ban tohkit. La pynlong ia ka jingtohkit ba bniah halor kane ka jingjia bad Chargesheet ia kane ka Case ha ka 31.03.2021.Kumta hadien ka jingbishar ka iingkashari jong ka Special Judge, East Jaintia Hills District ka Kong B Khriam, ka la rai pynrem ia u Ramesh Dkhar ban set phatok shi rta ka jingim ryngkat kuna T.10 hajar.  

Kumjuh Special Judge, ka la rai pynrem ia u Sanjay Das ban set phatok shirta bad u dei ban siew kuna ba T.50 hajar. U SP ka EJHD ula iathuh ia katei ka jingjia la rejistar mukotduma ha Police Station bad la pynngat hapoh ki kyndon 364(A) IPC ha kaba u Inspector L Lyngkhoi ula pynlong ia ka jingtohkit ia kane ka jingjia.

Ha ka jingtohkit la lap ba u donkti bad pynngat ha ki kyndon ha ka 28.072014, bad hadien ka jingbishar ka iingkashari ka Kong B Khriam ka Special Judge jong ka East Jaintia Hills District, Khliehriat ka la shem ba u Sanjay Das ula leh ia ka kam sniew bad hukum ban set phatok ia shi jingim ha ryngkat kuna ba T.50 hajar u deiw ban siew.