Ka Central Bureau of Communication (CBC), Shillong, Tnad Information & Broadcasting, Sorkar India, ha ka jingiatreilang bad ka Ramakrishna Mission, Shillong, ki la rakhe ia ka International Day of Yoga (IDY) 2025 da ka jingleh Yoga kaba kyrpang, kum shibynta ka Yoga Sangam, kaba la pynlong ha phyllaw jong ka Mission’s ha Laitumkhrah. Ia kane ka jingïalang la plie ha ka jingiadonlang u Swami HitakamanandajiMaharajuba dei u Secretary jong ka Ramakrishna Mission, Shillong, u Swami DivyaswarupanandajiMaharaj, u Swami Vedeshanandaji Maharaj, bad kiwei pat ki riewkhuid ba don burom jong ka Mission. Ïa ka jingïalangplie la long kaba shongkhiashuh shuh da ka jingkren ba jylliew jong u Swami VedeshanandajiMaharaj, uba la pynleit jingmut halor ka jingsdanghyndai bad ka jingkordor jong ka yoga ha ka pyrthei baroh kawei. U la ban jur ba ka yoga ka dei ka jingstad science kaba pynbhaia ka met, ka jingmut jingpyrkhat bad ka jingring mynsiem, kaba ialam ia u nongleh sha ka jingpyniasoh ia ka jinglong shimet bad ka jinglong ba kyllum.
U Swami Vedeshananda u la pynpaw ruh ïa ka jingthmu kaba don ha lyndet jong ka International Yoga Day, kaba la tyrwa da u Myntri Rangbahduh ka ri u Narendra Modi ha u snem 2014 bad kaba la kyrshan da 175 tylli ki ri. U la pynkynmaw biang ba ka yoga kam kheinia ka jinglong niam ne kolshor, ka shakri kum ka lynti sha ka bha ka miat jong ka pyrthei baroh kawei, ka jingsuk hapoh, bad ka jingkoitjingkhiah ha ka met. U la kyntu ia baroh ban pdiang ia ka yoga khlem da khein ia ka rta ne ka tynrai, da kaba ban jur ia ka jingdonkam jong ki rukom pynhiarmynsiem bad ka rukom ieng kaba biang ha kaba ioh ia baroh ki jingmyntoi jong ka jingleh yoga.U Swami Vedeshanandaji Maharaj u la pynleit jingmut ruh halor ka phang pdeng jong ka International Day of Yoga kaba 11 – “Ka Yoga na ka bynta kawei ka Pyrthei, kawei ka Koit ka Khiah.” U la batai ba kane ka phang ka pynpaw ïa ka bynta ba kongsan jong ka yoga ha kaba kyntiewïa ka jingïatylli ym tang ha ki briew, hynrei wat bad ka mariang bad ka imlang sahlang baroh kawei. Ka yoga kaba la seng tynrai ha ka jingstad hyndai, ka kyntiew ia ka jingim kaba neh da kaba pynshlur ia ka jinglong kaba ryntih, ka jingpyrkhat kaba jylliew, bad ka bha ka miat kaba pura.
U nonghikai Yoga na Meghalaya YogSamiti u la ialam ia ki nongiashim bynta lyngba ka Common Yoga Protocol, kumba la bthah da ka Tnad AYUSH. Ka jingïalang ka kynthup ïa ki jingïalehkaipynjem met, ki asana ba kongsan, ki buit pranayama, bad ka jingpynleit jingmut. Ha kane ka jingrakhe la ïohiïa ka jingïashim bynta shitrhemnaduh ki samla pule jong ka Mission, ki samla pule jong ka Integrated Child Development Programme jong ka Mision, ki nonghikai, ki kmie ki kpa, ki dkhot jong ka NCC, ki ophisar bad ki nongtrei jong ka CBC Shillong, bad ki dkhot bad ki nongtrei mon sngewbha jong ka Ramakrishna Mission Shillong. Ia ki dkhot jong ka NCC la ialam da ka Third officer ka SangeetaChakraborty ka ANO Laitumkrah Assamese Secondary School. U Swami Hitakamanandaji Maharaj u la ong ba ka yoga ka dei ka jingai sngewbha ba shirta jong ka India sha ki briew- kaba ai ka lad ban ioh ia ka jingkhlain ka met, ka jingshai jong ka jingmut jingpyrkhat, bad ka jingroi ba kynjamynsiem. U la pynshlur ruh ban leh yoga man ka por ban pynnehia ka jingiatylli hapdeng ki jingeh jong ka jingim mynta.La pynlong ïa ka jingkylli kaba lyngkothalor ka International Day of Yoga (IDY) ban tynjuhïa ka jingtip jong ki nongïashim bynta shaphang ka histori jong ka, ka jingktah ha ka pyrthei, bad ki phangpdeng ba man la u snem. Ka quiz ka la long kaba bun ki nongiashim bynta, bad la pynkup burom ia ki kinongjop da ki khusnam bad ki syrnot, kaba la wanrah ia ka jingpynkut kaba sngewtynnad bha ia kane ka jingïalang.
Kane ka jingrakhe ka dei shibynta jong ka sienjam ‘Yoga Sangam’ ha ka ri baroh kawei, kaba kyntiew ïa ki jingpyni yoga ba ïatylli ha kylleng ka ri. Ka jingïashim bynta paidbah kaba bun ka pynpaw ïa ka jingsngewthuh bad jingaiti kaba nangroi ha ka koit ka khiah bad ka jingpyrkhat lyngba ka yoga.Da kaba bteng ïa ka jingkiew jong ka International Day of Yoga, yn pynlong ïa ka Yoga Camp kaba lai sngi ha Ramakrishna Mission Vivekananda Cultural Centre, Quinton Road, Police Bazar, Shillong, naduh ka 22 haduh ka 24 tarik u Jylliew 2025, man ka sngi naduh ka por 4:00 Janmiet haduh 5:30 Janmiet. Ka camp ka long kaba khlem jingsiew bad plie ia baroh. Ka Mission ka khot sngewbha ia baroh ban iashim bynta bad ban mad ia ka bor pynkylla dur jong ka Yoga.