Ka samla Cassandra R Pasi ka la iohrah ia ka nam Lukhimai 2026, katba u samla Banrikupar Kharsohtun kum u Nai Khatsaw Synnia ha ka jingiakob ba la pynlong da ka Seng Samla Lawsohtun.
Katba ka samla Agnes Buam ka la wan baar ha ka jingiakob Lukhimai 2026 bad u Bendrick Rynjah u la wan baar ha ka jingiakob Nai Khatsaw Synnia.
Ka samla Ibashisha Shabong bad u samla Nangsan Warjri ki la wan balai.
Ha kane ka sngi u bah Hamletson Dohling, MLA barim u la long kum u kongsan ha ka jingdon ryngkat lang u rangbah shnong ka Lawsohtun u bah H. Rynjah, bah Mitchel Wqnkhar, MDC barim, ki nongialam Seng Longkmie Lawsohtun,KSU, VDP, ki nongialam ka Lawsohtun Sports Club bad kiwei kiwei.
Haba ai jingkren u bah Hamler u la pynpaw ia ka jingsngewkmen ban ia don bynta lang kum u Kongsan ha ka jing pynhap pyrda ia ka Youth Week ba la pynlong da ka Seng Samla Lawsohtun.
U la ai khublei ruh ia baroh ki nongiashim bynta bad khamtam ia ki nongjop ha ki jingialehkai bapher bapher. Kumjuh u ai khublei ruh ia kine ki nongjop kiba la shim bynta ha ka jing pyni riam Khasi bad ioh ia ka nam.
You may also like
-
Ka jingpynheh kad liengsuin Umroi yn pyndep hapoh 15 bnai
-
Ka KHADC ka dei ban kynra Trading License, ba khrong pisa ka Shillong Club ia ki nongwan kai ha Golflink
-
Pyrshah ka shnong Pynthorumkhrah ban tei Park T.25 klur ha madan Golflink
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement