Ka Meghalaya ka la ioh lut ia baroh ki jingbit (Clearance) ban sdang noh ia ki kam ban pynheh kad lengsuin Shillong Umroi Airport ha Ri-bhoi District.
Haba pynbna ia kane u Myntri Rangbah ka Jylla u Conrad K Sangma ula iathuh ba ki kam ban pynheh ia ka Shillong Umroi Airport, ki la iaid shaid shaid bad kyrmen baroh kin lah ban pyndep noh hapoh 15 bnai.
“Nga sngewkmen ban pynbna ba ka kam pynheh ia ka kad lengsuin Shillong Umroi Airport ka la sdang,” la ong u Conrad.
“Ngi don shibun ki jingeh, hynrei hadien ka jingiakren ba bniah bad kumjuh ruh ka jingleit jong nga sha Delhi, la pynbeit ia kine ki kam,” ula ong.
U Myntri Rangbah ula ong ba ka Sorkar ka khmih lynti ba ia ka kam yn pyndep shwa ka por ba la buh.
“Ngi khmih lynti ba kane ka kam kan sa dep hapoh ka 15 bnai ban wan, watla ngi kyrmen ba kan long kaba kham stet ban ia kata,” la ong u Conrad bad bynrap shisien ba la dep, ki lengsuin ba kham heh na kiwei ki nongbah ka ri kin lah ban poi sha Umroi Airport.
“Ha u snem ban wan, 2027, ngi kyrmen bad khmih lynti ba ki liengsuiñ kiba kham heh na kiwei ki nongbah kin hiar ha ka kad liengsuiñ Umroi,” ula bynrap.
You may also like
-
Ka KHADC ka dei ban kynra Trading License, ba khrong pisa ka Shillong Club ia ki nongwan kai ha Golflink
-
Pyrshah ka shnong Pynthorumkhrah ban tei Park T.25 klur ha madan Golflink
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem