Rakhe Khristmas ka shnong Mawbah

Ka Dorbar Shnong Mawbah ha ka sngi u Blei ka la pynlong ia ka jingrakhe ia ka Khristmas ha Dorbar Hall Mawbah ha kaba la wan ban iashimbynta da ki nongialam shnong bad ki nongshong shnong. Ha kane ka jingrakhe u Rangbah Shnong barim u Bah David Syiemlieh ula long kum u kongsan bad la iadonlang u Rangbah shnong ka Mawbah u Bah Aresstone Thabah, u Secretary Shnong Bah Nicky Lyngwa ryngkat bad kiwei kiwei ki dkhot jong ka Excutive Committee ka shnong.

La sdang ia kane ka jingrakhe da kaba buh ia ka jingdwai bad la ioh jingkren na Bah David Syiemlieh uba la ai ka jingiaroh ia ka dorbar shnong kaba la lah ban pynlong ia kane ka prokram kaba long ruh ha ka sien kaba nyngkong. Katba u Bah Aresstone Thabah ula ai khublei nyngkong ia ki nongkitkam shnong, ki nongialam jongka Seng Samla bad Seng Longkmie kiba la kyrshan ia ka dorbar ban pynlong ia kane ka jingrakhe kaba jop. Ula ong, ruh ba ka jingkiew ka jingbun briew bad ki longiing kala poi sha ka 120 tylli ki longing kane kaba la pynshngain ia ka dorbar ba kiew ka jingbun paid ki trai jylla hapoh ka shnong.

Ula ai khublei ruh iaka KSU Mawbah Unit kaba la trei ryngkat bad ka dorbar da kaba aiti da ki tiar iing sha palat spah tylli ki longiing bad na ka Liang ka Dorbar Shnong kala sam da ki nep syaid sha ki 120 tylli ki longiing kiba don hapoh u pud u sam ka Mawbah. La pynkut ia kane ka jingrakhe bad jinglehkmen da ka jingiabam ja lang jong baroh ki nongshong shnong bad ki nongkitkam shnong.