Kumba 80% haduh 90% ki jaka haki thaiñ khappud Meghalaya-Bangaldesh kiba la dep ban ker sainar shah. Ïa kane la pyntip da u Myntri Rangbah ka Jylla u Conrad K Sangma bad ula ïathuh ba na ka 444 km sa 40 km ki jaka khappud ka Meghalaya bad ka Bangladesh ki bym pat ker sainar shah.Haba kren sha ki lad pathai khubor u Conra ula ïathuh ba ki paidbah haki thaiñ khappud ki don ka jingbynniam ban ker sainar shah namar kim kwah ban duh ei ki jaka khamtam ki jaka rep.
U Conrad ula ong ba na ki 40 km bym pat ker sainar shah ki trai jaka ki kwah baka Sorkar kan wanrah jingpynkylla haba iadei bad ka jingker sainar shah hynrei naka liang ka Sorkar Jylla kam lah ban mynjur namar ki thaiñ khappud kidei hi hap haka jingpeit jong ka Sorkar Pdeng.
“Naka liang ka Sorkar lyngba ki Deputy Commissioner kala dep ban lum jingialang bad ki trai jaka ban ioh sngew iaka jingeh jong ki ban ai iaka jaka ban ker sainar shah” la ong u Conrad. U Myntri Rangbah ula ïathuh ruh ba dang shen ula ïakren ïa kane ka tnat bad u Myntri ka tnat kam pohiing ka Sorkar Pdeng ban wanrah jingpynkylla haba iadei bad ki kyndon ker sainar shah.
You may also like
-
Iamir jingmut u Syiem Raid Marwet bad nongialam shnong ban peitngor ia ki mynder ba shah beh na Assam
-
Bitar ki nongrep ia ka KHADC, bym pyntreikam ia ka aiñ ot kilo ki mar rep
-
Ka sorkar ka la pyllait T.120 klur ka bhah khajna
-
Pynjlan ka sorkar sa 30 snem ban ai wai Orchid Polo bad Jiva Resort Sohra
-
Pynkylla ka sorkar ia ka Meghalaya Excise Rules ban ai laisen ia ki shet kiad tynrai