Sdang biang ka Royal Stag ïa ka sien pynlong kaba saw jong ka BoomBox ha Kolkata

Kaba rakhe ïa ka jinglong jong ka, ‘Living It Large’, ka Seagram’s Royal Stag ka la sdang ïa ka sien pynlong kaba saw jong ka ïa ka Royal Stag BoomBox ha Kolkata ha ka Aquatica Ground ha ka 21 tarik Rymphang ia kaba la ap kmang bha. Kaba la nang kham ioh mynsiem na ka jingjop jong ki sien pynlong kiba ha shwa, ka  Royal Stag BoomBox kaba mynta u snem ka pynkiew ïa ka kyrdan da kaba pynïasoh lang ïa ki jingput jingtem bad ki jingpynbyrngia ïalehkai ha kawei ka jaka. Kane ka janmiet jong ki sur jingsawa ka la long kaba pynkhihwin bad ka la khring ïa ki hajar ngut ki nongkyrshan kiba la ïa wan lang ban sakhi ïa ki jingpyni ba bun jait na ki nongput nongtem ba la paw nam na India. Naduh ki jingpyni kiba pynkhihwin shaduh ki khyllipmat ki bym lah klet, kane ka janmiet ka la wanrah ka jingpyni kaba khraw ïa ki sur put, ïa ki jingpyni ba pher bad pher bad ka mynsiem jong ka Generation Large. 

Ka madan Aquatica kaba heh bha ha Kolkata ka la kylla long ka madan ïalehkai kaba la don ïa ki jingïalehkai ba bun jait, kaba don ïa ki jingpyni paidbah kiba itynnad, ki jingpyni ïa ki jingdro bad ki jingshna, bad ki jingbam ba la pynkhreh kyrpang — kiba ïaid palat ban ïa ki sur jingrwai. Kane ka janmiet ka la sdang da ka jingïalehkai kaba itynnad hapdeng ka nongïalehkai ba pawnam ka Payal Dhare bad u nongkyrshan jong ka, ki la ïakhun ha ki jingïalehkai, une u nongkyrshan u la ïoh ïa ka jingjop, bad u la ïoh ïa ka lad ban ïalehkai ryngkat bad ka. Hadien kane la bud sa ka jingtem da u DJ Sahil Gulati, u ba la wanrah ïa ki sur ba sngewtynnad jong u. Ka jingkhihwin ka la nang jur katba u nongrwai rap u Dino James u la rung ha ka madan, u la lah ban pynshongshit ia ki paidbah da ki jingrwai jong u. La pynneh ïa ka jing shongshit  da ka kynhun tem rock kaba paw – ka Fossils kaba la bud da ki jingrwai ba sngewtynnad, kaba la pyni ïa ka sur rock ka jong ki bad pynpaw ia ka sap rwai ba tbit halor rynsan. La pynkut noh ïa kane ka janmiet kaba sah jingkynmaw, da u nongrwai Armaan Malik u la rwai ia ki jingrwai kiba phylla, kiba la pyn sngewhun ïa ki nongkyrshan da ki sur kiba sngewtynnad jong u bad ki jingrwai ki ba sngewtynnad da kiba bun, kaba la pynpaw shynna ïa ka jingïatylli kaba kyrpang jong ki rukom rwai kiba pher ba pher bad kiba la pynlong ïa ka Generation Large ka tamasa kaba ym lah ban klet. 

U nongrwai na India uba long ruh u nongthoh jingrwai, u Armaan Malik u la ong, “Ka Royal Stag Boombox ka ju rakhe ïa ki sur jingrwai bad ka tem ka put kaba pynïatylli ïa ki briew da ki sur jingrwai kiba ha ka rukom rwai bapher bapher bad kiba na kawei ka pateng bynriew bad kawei pat, bad kata ka dei kaei kaei kaba pynïadei bha ïa nga bad ka. Na ka bynta jong nga, ki jingtem ne ki live shows ki dei shaphang ki khyllipmat kiba shisha bad ka jingsngewtynnad kaba ngi lah ban iasam lang. Nga la khmih lynti ba wan sha Kolkata na ka bynta ka samoi  ba ne ka Season 4. Kane ka nongbah ka ju pyni ïa nga ïa ka jingieid kaba khraw, bad ka la long kaba sngewtynnad eh ïa nga ban ïa rwai lang bad baroh kiba la ïa don ryngkat.”