Sdang ka eksam Matrik jong ka MBoSE Haduh palat 48 hajar ngut ki khynnah kiba thoh eksam

Haduh 48793 ngut ki khynnah kynthei bad shynrnag hynne ka sngi kila ialeh ia ka eksam Klas X ne Secondary School Leaving Certificate (SSLC) 2026 jong ka Meghalaya Board of School Education (MBOSE) kala sdang hynne ka sngi ha ka jylla Meghalaya.Ia kane ka eksam kaba la tip ruh kum ka eksam Matrik kala sdang hynne ka sngi bad kan kut ha ka 11 tarik Rymphang da ka sobjek Indian Languages/Additional English.Na kitei ki 48793 ngut ki khynnah kiba ialeh ia ka eksam Matric ki kynthup ia 20210 ki khynnah shynrang bad 28583 ngut ki khynnah kynthei bad kila don 171 tylli ki SSLC kata 97 tylli kiba hap ha ka Shillong Region bad 74 tylli ha Garo Region.

Kila don ruh ki SSLC Institution kaba kynthup ia ki 539 tylli kiba la Affiliated (Shillong Region) bad Unaffiliated (Shillong Region) ki don 794 tylli, 187 tylli ki Affiliated (Garo Region) bad Unaffiliated (Garo Region) ki don 415 tylli bad baroh ki don1935 tylli. Hynne ka step, ki khynnah kynthei bad shynrang ha ryngkat ka jingsynrang ki kmie ki kpa, kila poi dang kloi ha ki jaka thoh eksamin ka jong ki, ban peit iala ki jaka shong na ka bynta ban thoh ia ka eksamin halor ka sobjek English bad la sakhi ruh ba ki bor pyniaid jong ki skul bad ka MBoSE kila shimkhia ban pynthikna ba kane ka eksamin kan long kaba iaid beit iaid ryntih.

Ha ki snem kiba la dep ka eksam matrik ka ju long ha u bnai Rymphang hynrei mynta kak ynti la pynlong kloi ia kane ka eksamin da ka jingthmu ban ailad ia kito ki samla kiba shah bat ha kino kino ki sobjek kin ioh biang ia ka lad ban thoh eksam ne Supplementary Examination hadien ba la dep pynbna ia ka resol Matrik bad kin ym donkam shuh ban ap sa shisnem ban ialeh biang ia ka eksam Matrik.