Ki Pulit jongka Anti Narcotics Task Force (ANTF) East Jaintia Hills, kila ioh kem ia 4 ngut ki briew bad ka kurup ia u droks Heroin uba shongdor T.20 lak na kawei ka kali kit umphniang ne Oil Tanker.
U Superintendent of Police Vikash Kumar ula pynpaw ba hadien ka jingioh ia ka jingtip kaba thikna, ki pulit ka Umkiang kila pynlong ia ka jingkhmih bniah ia ki kali bad kila bat ia katei ka Oil Tanker kaba don ia u nombar AS11-DC-1200 bad la ioh kurup ia u droks Heroin uba don 45.5 gram bala thep ha ki 4 tylli ki synduk sabon.
Ki pulit kila kem noh ia ki 4 ngut ki briew bad la kurup ruh ia ki 4 tylli ki mobile phone ki jongki bad la suba jur kidei kiba donkti ha kaban khaii droks na kawei ka jylla sha kiwei pat.
Kine ki 4 ngut kiba la shah kem ki kynthup ia u Shymal Boro, Matab Uddin, Ataur Rohman bad Biren Singha bad kine kidei na ka jylla Assam.
Ki pulit ka ANTF kila kem bad rejistar ia kine kiba shah kem hapoh ka Lumshnong Police Station hapoh ki kyndon jongka NDPS bad mynta ka jingtohkit kala iaid shakhmat ban tih bniah ia kane ka .jingkhaii droks be-aiñ.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone