Shaduh sha Jammu, Kolkata bad sha Thain Shatei Lam Mih ngi: ka Samsung Solve for Tomorrow ka pynmih ia I phliah ban sei ia ka buit thymmai hapdeng ki samla 

Ki jingmut kiba thymmai ki iai bteng ban mih na ka por sha ka por, katba ka jingpyninam ha kylleng ki jaka ba la tip kum ka Samsung Solve for Tomorrow roadshows ka la poi artad sha ka wat kaba khatduh. Naduh na ki kamra klass jong ka Kolkata shaduh sha ki trail um jong ka Jammu sha ki lum diengkseh jong ka Shillong, man la ki jaka ba sangeh ki don ia ki khana jong ka jingtrei shitom, ka jingsngewlem bad ki buit thymmai. Ka bynta ba khatduh jong ka jingpyni ia ki tiar ki tar la pynlong ha Army Public School ha Kolkata, Sher-e-Kashmir University of Agricultural Sciences and Technology (SKUAST) ha Jammu, bad North Eastern Hill University (NEHU) ha Shillong — man la kine ki jaka ki dap da ki samla pule kiba don ia kajuh ka jingthmu: to wad ia ki lad ki lynti ban weng ia ki jingeh kiba shisha ha ka pyrthei.

La pyllait paidbah ha ka 29 tarik U Iaiong, 2025, ka Samsung Solve for Tomorrow kadei ka prokram kaba wanrah bad pyni ia ki buit thymmai kaba ailad ia ki samla pule na kylleng ka ri ba kin pyndonkam ia ka jingsngewthuh jingshemphang jong ki ban thaw ne wad ia ki lad ki lynti katkum da kaba pyndonkam ia ki kor ki bor teknology. Kane ka prokram ka don ruh ia ka jingtyrwa ban ioh ia ki jinghikai na ki riewshemphang kiba dei ki nongialam ba ha khmat jong ka Samsung bad ki nonghikai jong ka IIT Delhi, ka jingpyniasoh ia ki nongbei tyngka bad ki kompany, ka jingkyrshan ia ki jingshna bad kiba thymmai, bad ka lad ban jop haduh 1 klur tyngka na ka bynta ki saw tylli ki kynhun…

U Spandan Mahapatra, u khynnah pule jong ka Army Public School ha Kolkata, u la ieng ha khmat ki paralok jong u bad u la iasam ia ki jingmut jong u — kata ka long ka tiar ba pyniaid da ka AI ban lap ia ki jingduna ha ka liang ka pule puthi hapdeng ki khynnah skul. “Bun na ki khynnah ki shait sha ong ba kidei kita ki ‘slow learners’ ne ‘kiba suki ha ka pule puthi’ hynrei kaei kaba kine ki khynnah ki donkam kyrkieh ka long ka jingkyrshan. Ka Samsung Solve for Tomorrow ka ai ia nga ka jingshlur ban leh eiei hlor kane,” u la ong.

Ha SKUAST ha Jammu, ka jingiakren ka la phai khmat sha ka jingeh kiba long kyrpang jong ka thain. U Ayan Shahid Malik u la mih sha khmat da ka buit sngewthuh kaba iadei bad ka jingtreikam jong ka mobile ban iarap ia kito ki nongrep kiba duna ka ioh ka kot ban lap ban tip shaphang ka koit ka khiah jong ka khyndew. “Ngi sah ha ki thain ba long ban rep ban riang ha kaba ki briew ki dang shaniah pat ha ka rukom rep tynrai. Nga kwah ban wanrah ia ki bor teknology ha kata ka rukom kaba suk bad kaba lah ban pyndonkam,” ong U Ayan.

Katba, ha NEHU ha Shillong, kaba tawiar da ki lum bad ka suinbneng ba itynnad jong ka lyuir, U Bashan Kur Buhroy u la kren shaphang kumno ban pyndonkam da ki drone ban pynpoi ia ki mar ki mata khamtam ia ki dawai dashin ha ka por ba don ki jingjia ba kyrkieh sha ki jaka nongkyndon. “Ha ka thain shatei lam mih ngi, kidon ki jaka ha kaba ki kali kit nongpang kim lah ban poi. Ka jingai jingmut jong nga ka long ban pyndonkam da ki drone ban pynpoi ia ki dawai ba kyrkieh. Da ka jingbtin lynti jong ka Samsung Solve for Tomorrow, nga lah ban pynkylla ia kane ka jingpruid dur jong nga sha kawei na ki lad.,” ong U Bashan.