Shah jied biang u bah RM Shabong bad bah John Thabah kum u President bad Secreatary MEPA

Ka Meghalaya Editors and Publishers Association (MEPA) ka la pynlong ia ka Annual General Meeting mynta ka sngi Saitjain ha Shillong Club ban pynthymmai ia ki nongkitkam na bynta ka samoi treikam balai snem 2025-27, ban pynurlong ia ki jingdawa ba sahteng na bynta ka jingbit jingbiang ki nongthoh khubor hapoh ka Jylla.
Ha ka jingialang la jied biang u bah Monarch Shabong, u Editor bad u trai ka kot khubor Rupang kum u Presdent lem saw ngut ki Vice President, u bah John W Thabah kum u General Secretary bad ar ngut ki Joint Secretary, ka kong Banda Blah kum ka Treasurer, u bah Kyrmen Uriah kum organsing Secretary, u bah Goerge B Lyngdoh kum u Nongaibuit bad ki dkhot ka Executive Committee.
Shwa kane la pynsngew ia ka kaiphod treikam ka seng da u bah John W Thabah, General Secretary bad na ka Treasurer kong Banda Blah halor ki kam pisa tyngka bad la iakren ruh bun ki mat na bynta ka jingbha jingmiat ki nongthoh khubor ha jylla.
U Bah Shabong haba kren hadien ba la shah jied biang kum u President ula kyntu ia ki trai kot khubor bad ki Editor ban iatreilang ban pynurlong ia ki jingdawa ka seng, khnang ba kin lah ban ai ka jingshakri kham bha ia ki paidbah ha ki kam pathai khubor kaba u paia bah ha ka synshar khaddar.
Katba ha ka bynta ba-ar la wan ban ia shim bynta da ka myntri ka tnad Information bad Public Relation ka jylla ka kong Dr. Ampareen Lyngdoh, u Commissioner bad Secretary ka IPR u Vijay Kumar Mantri, IAS bad u bah Batlang Samuel Sohliya, IAS Secretary bad Director ka tnad Information bad Public Relation bad ha ka jingkren ki pynpaw ka sorkar ka la iarap ia ki nongthoh khubor bad kan iaid bteng ban iarap ha ki sngi ban wan.