Ka United Democratic Party (UDP) hynne ka sngi ka la jied ia u MDC ka Sohra constituency u Bah Titosstarwell Chyne kum u General Secretary ba thymmai jong ka UDP. Ia kane ka rai la shim ha ka jingialang ka Central Executive Committee (CEC) jong ka UDP. U Bah Titos uba dei ruh u Nongialam ka Liangpyrshah hapoh ka KHADC un shimti ia ka kam General Secretary ka UDP hadien ba u General Secretary barim ka UDP u Bah Jemino Mawthoh ula mih noh na ka Party ha u bnai ba la dep. Haba kren shaki lad pathai khubor u Bah Titos ula ong, kum u General Secretary bathymmai un ialeh katba lah ban pynkhlain ia ka Party khnang ba ka Party kan lah shuh shuh ban suh thied sha ki paidbah ka Jylla.
“Nga pynpaw ia ka jingsngewnguh iaka CEC kaba la ibit ia nga ban long u General Secretary ba thymmai ka seng” la ong u Bah Titos. U Bah Titos u pynpaw ruh ba ki mat ba hakhmat eh ba un leh hadien ka jingshimti ia ka kam general secretary ba thymmai ka long ban pynkhlain shuh shuh iaka seng.“Nga kular ban pyndep ia ki kamram bala tynrong ha nga” ong u Bah Titis haba pynpaw ba ka jingtrei kam jong ka party kala shah ktah ha kine ki khyndiat bnai bala leit hadien ka jingiehnohkam jong u General Secretary barim Bah Jemino Mawthoh.
Hynrei, ula pynpaw ia ka jingsngew skhem da kaba ong “Nga sngewskhem khamtam hadien ka jing ialang ki President bad ki Secretary jong ki District bapher bapher ba ngin lah ban nang pynkhlain shuh shuh ia ka seng. Kan don ka jingiatreilang kaba jan hapdeng ki nongmihkhmat bala jied da u paidbah bad ka party naduh nangne shakhmat”.
You may also like
-
Seisoh ka jingiaid kjat 2 kynta shiteng u Bah Renik ha u 2020, treikam pura ka SCWSS
-
Ka ‘Humediam One-Stop’ ka dukan die doh bakhuid ha Jaintia
-
Nga kmen ha nga shimet, lada wan iasoh u Dr Mukul sha ka NPP
-
Ba khot ïakren u MR, sangeh iakhih ki nongtrei Muster Roll
-
Pynhap pyrda ar ngut ki Myntri ia ka jingrakhe dap 50 snem ka Govt Girls’ HSS Jowai