U secretary ka Hynniewtrep Youth Council (HYC) u Bah Issak Basaiawmoit hynne ka step ula shah khot hajir ha ki pulit jong ka Sardar Police Station. Ka jingshah khot hajir u Bah Issak ka dei halor ka mukotduma ba khlad uwei u suba kyrni Drok namar ka jingkynnoh ba u shah thombor ha MUDA Khyndai Lad. Haba kren sha ki lad pathai khubor u Bah Issak ula iathuh ba watla ha ka ejahar ki nongmudui ki khlem pynmih ia ka kyrteng jong u hynrei na ka liang ki Pulit ki la ïathuh ba ka jingkhot hajir ka dei ba leh katkum ki kyndon ain ban tohkit.
U la iathuh katkum ka jingiathuh ki pulit u khynnah suba kyrni Drok u la shah shoh ha ka 23 tarik Naiwieng ha MUDA Khyndai Lad bad ula khlad ha ka 4 tarik Nohprah 2025 ha Nazareth Hospital Shillong. “Ka jingshah khot hajir ka dei hi namar ba khlad uwei suba kyrni Drok ba shah shoh ha MUDA Khyndai Lad. Katba ha ka ejahar ki nongmudui ki khlem kdew ia ka kyrteng jong nga ne jong ka HYC hynrei ka jingshah khot hajir ka lah ban dei ba don kiba bishni ia ka kam ba ngi trei bad ki kynnoh ba dei ma ngi ba don bynta ha ka jingkhlad uwei suba kyrni Drok” la ong u Bah Issack.
U Bah Issack ula ong, ba ka HYC kan ym kyrdan dien ha ka jingïakhun pyrshah Drok bad kan iai bteng ruh ban khynra Drok bad kem ia ki ba khaii Drok.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma