U MLA ka Amlarem u bah Lahkmen Rymbui ula ong ba ka jingpyrkhing ban khaii ia ki mar lyngba ka Land Custom ha Dawki, ka ktah ia ki nongkhaii hynrei na bynta ban shngain ka ri hap ban bud ia ka hukum ba la pynmih da ka sorkar India. Haba kren sha ki lad pathai khubor u bah Lahkmen, ula ong ba ka jingktah ia ki nongkhaii ka don beit namar ba ka Dawki LCS kam dei tang ia ki briew ka Meghalaya hynrei baroh ka North East ki wan ban pyniaid mar na katei ka jaka.
U MLA ka Amlarem ula ong, “Ka jingmana ka sorkar India ban ia khaii na Bangladesh, ka ktah ia ka khaii ka pateng hynrei kam lei lei pat na ka bynta ka jingshngain ka ri.” Lah ban kdew ba ka sorkar India ka la pynmih hukum ban ym shah shuh ban ia khaii pateng ia ki katto katne ki mar ban wanrah na Bangladesh bad kine ki kynthup ia ki jain, ki jingbam kum ki shuki ki miej, u kynphad, ki pipe plastic, ki tiar plastic nalor kiwei de.
Ka Directorate General of Foreign Trade (DGFT), Tnad Commerce and Industry, ka sorkar India kala pynmih ia ka jingpynbna ban ym shah shuh ban wanrah ia ki mar na Bangladesh na baroh ki kad khaii ka India lyngba ki Land Customs Station (LCSs), Integrated Check Posts (ICPs) ha Assam, Meghalaya, Tripura bad Mizoram; bad LCS Changrabandha bad Fulbari, ha West Bengal.
You may also like
-
Iathir ki heh shipai Assam Rifles ban pynkhlain bad pyntbit ia ki shipai
-
Mynsaw ki khynnah skul ba kyrwit u phria bad erïong ha Jakhong
-
Kan poi ka por ngin ialeh thma na bynta ka um lada ngim iada ia ki tyllong um:DC
-
T.4.61 klur mang ban tei ia ka R&D Centre ha State Food Testing Laboratory Laboratory
-
Ka Meghalaya ka duna ki ‘Doctor Specialist’, ngi don tang 30 percent: Wailadmiki Shylla