Shilak shiteng metric tone pynmih sohtrun ka Meghalaya

Ka Meghalaya la pynlong biang ia ka tamasa Sohtrun ne pineapple festival ha ka sien balai ha Hilli Haat ha nongbah new Delhi mynta ka sngi Thohdieng. Ia kane tamasa pyninam sohtrun la wan ban plie da u Myntri Agriculture and welfare fermers ka sorkar pdeng u Shivraj Singh Chauhan ha ka jingdonlang u Myntri Rangbah ka Jylla u Conrad Sangma.  Haba kren ha ka jingïalang u myntri ula iaroh ia ka jingseisoh ka Meghalaya bad ka la pynmih bun ki mar rep ha ka jylla bad shalan sha kylleng ka ri india.  Ula ong ka Meghalaya paw nam kum ka jylla bad jhur slap tam ha pyrthei nalor ka jingpynmih bun ki mar rep bapher baphet.

Ula kular ban ai jingïarap ka jylla ban kyntiew ia ki Nongrep bad ki lynti syngkien ban suk ka leit  ka wan bad shalan ia ki mar rep. Kumjuh u Myntri Rangbah Conrad Sangma ula ai khublei ia u Myntri sorkar pdeng uba la pyllait por ban wan wat hapdeng ka jingbun kam bad hapdeng ka session kaba dang iaid mynta.”Kane ka pynpaw ba u don ka jingsngew khia ban kyntiew ia ki Nongrep ka jylla Meghalaya bad ka ri baroh kawei.

U myntri ula iathuh ka jylla Meghalaya ka pynmih palat shilak shiteng metric tone u sohtrun shisnem bad ula kyntu ia ki paidbah ka nongbah Delhi ban wan mad ia ka jingnang u sohtrun bad lada phi la ioh mad shisien phin sa kwah ban iai mad biang namar ka jingthiang u sohtrun Meghalaya.Kane ka tamasa Sohtrun ba lai kam kut ha ka Sngi u Blei 3 tarik Nailar bad la khmih lynti ba paidbah na Delhi bad kiwei ki jylla kin wan ban mad ia u sohtrun bad bang ba shngiam na Meghalaya.