Shim bynta 7 ki skul ha ka ‘Art Festival’ Assam Rifles Public School, Laitkor

Ka Project Empathy ryngkat ka Assam Rifles Public School ki la pynlong ia ka bynta ba nyngkong jong ka Empathy Art Festival ha Assam Rifles Public School, Laitkor, Shillong. Ia kane ka tamasa la saindur ban wad bad pynpaw ia ka jingsngewlem na bynta ki khynnah lyngba ki jingpynpaw bapher bapher kum ka jingthoh ktien ha ka dur ki postcard bad ka poitri, ka visual art ha ka dur jong ki briew bad ka graffiti art bad ka jingpyni ha ka rukom jong ka Nukkad Natak bad ka jingpule poitri ha ka kynhun. Ki nongpyniaid ki la ong ba ka Khubor kaba sngewtynnat tam, ka sur jong ka jingsngewlem, ka Mynsiem jong ka jingiatreilang, bad ka Sur jong ka jingkyrmen bad jingpynkhiah kan mih na kane ka tamasa. Yn ai jingithuhia uwei pa uwei u nongiashim bynta. Ha kane ka tamasa, ki khynnah skul jong 42 tylli ki skul Assam Rifles kin ïashim bynta ha ki kam bapher bapher ha man ki skul ha ka prokram kaba ar sngi ha ka 24 bad 25 tarik Iaiong. Ki kynhun jong hynniew tylli ki skul na ki hynniew tylli ki jylla, ha kaba kawei pa kawei ka don 8 ngut ki khynnah skul naduh klas VI-XII bad arngut ki nonghikai kin long shi bynta jong kane ka tamasa ha Assam Rifles Public School, Laitkor, Shillong-10.

Ka Empathy Art Festival ka dei ka sienjam kaba nyngkong ban pyniasoh ia ka jinghikai shaphang ka jingsngewlem ha ka jinghikai jong baroh ki skul ARPS. Kane ka tamasa ka dei ka jingïatreilang hapdeng ka Project Empathy ba la seng halor ka jingïohi jngai ba ïa ka jingsngewlem lah ban hikai, mad bad pyntreikam da unouno ha kanokano ka jaka bad ki Assam Rifles Public School. Ka projek ka dei ka jingpyrshang thymmai ha ka imlang sahlang ban kyntiew ia ka jingburomialade bad ia baroh kiba don sawdong lyngba ka jingpynkynmaw hapoh ha ka rta kaba dang rit. Lyngba kane ka jingiatreilang ki skul Assam Rifles ki kyntiew ia ka jingnang jingstad ha ka jingsngew bad kyntiew ia ki kam leh sbun bad jingsngewthuh hapdeng ki khynnah skul sha ka jingwanrah ia ka jinglong jingman jong ki skul kaba don ka jingsngewlem bad kaba don ka jingsaindur thymmai ha kaba uwei pa uwei u khynnah u sngew ba u don ka bynta bad ka burom ha la ka jong ka jong ka jinglong. La khmih lynti ba ki riew pawkhmat, ki heh sorkar, ki kmie ki kpa, ki khynnah skul bad ki paidbah kin leit jngoh ia ka jaka pynlong ia kane ka prokram ban sakhi ia ka jingrakhe ia ka jingsngewlem.

Ka VibhaLakhera, ka Nongseng jong ka Project Empathy bad ka President ka ARWWA bad ka Dr.Naomi Bhuyan, playwright bad actor-director, Kavita Pandey, Dr. Auswyn Winter Japang, Bryan Dunlee Wahlang, Oliver Wendell Lyndeman, bad Bah Kyrshanborlang Marbaniang kin long napdeng ki nongwan jngoh kiba pawkhmat. Ka tamasa ka long kabym dei tang ka jingpyniia ka jingsaindur. Ka dei ka jingrakhe ia ka jinglong ba bha, ka jingkynthup lang, ka jinglah ban iaishah bad ki por ba man ka sngi kiba pynjan ia ngi; ka jingrakhe ia ka jingngeit ba ngi la pynkhreh na ka bynta ka jingsngewlem.