U nongshna phlim ba pawnam ka Meghalaya u bah Pradip Kurbah ula wanrah burom ia ka jylla Meghalaya bad ka Northeast da kaba khur 2 tylli ki khusnam kum ka Best Film bad Best Director ha ka 47th Moscow International Film Festival. U bah Pradip Kurbah ula rah ia kine ki khusnam na ka phlim jong u, ka Ha Lyngkha Bneng. U bah Pradip Kurbah ula iasam ha ka rynsan social media halor kane ka jingjop jongu bad ula pynpaw ka jingsngew nguh ia baroh kiba iadon bynta.
“Nga sngew kmen da ka jingsngew rit bad ka jingnguh. Ka phlim ‘Ha Lyngkha Bneng’ kala jop ia ka khusnam Best Film bad Best Director. Kane ka dei ka jingurlong ka jingphoh sniew halor kaei kaba nga sngew mynta”,ula ong. Ula ong ba ka jingioh khusnam ka pynlong ia ka Meghalaya ban poi sha ka rynsan ka pyrthei.
U bah Pardip Kurbah ula ai burom ia ki paidbah ka Meghalaya halor kane ka khusnam. Ka phlim, Ha Lyngkha Bneng, ka dei ka phlim kaba batai ia ka khana halor ka riti dustur bad ka jingialeh bad ka mynsiem jong ki Khasi.
You may also like
-
Sei soh ka jingïalang ka sorkar Meghalaya-Assam bad ka seng ki nongñiah tourist
-
T.8 klur shongdor kawei ka lieng kit briew ha Kerala
-
Ong u Bah PT Sawkmie ba u long MLA, MDC bad Minister dei na ki nonghikai
-
Ki Nonghikai ki long ki atiar ba khlaiñ ban saindur ia ka jingim ki khynnah skul: Dr C Lyngdoh
-
Ka VPP ka iuh roit ia ki bor synshar tynrai lyngba ka Land Ceiling Act: Dr OS Jyrwa