Shongkun ka jingrakhe sngi laitluid ha nongbah Shillong, pynher lama u Myntri Rangbah

Ha ryngkat bad ka ri baroh kawei, ka Meghalaya hynnin ka sngi ka la rakhe ia ka sngi laitluid ba 79 ha madan Polo Shillong bad ha kane ka sngi la wan sakhi da ki paidbah bad ki khynnah skul kiba ka pyni ia ka ka sap ha ka March Past bad ha ka shad tynrai. Ha ka nongbah ka jylla Shillong, ia kane ka jingrakhe la pynlong ha J.N. Stadium, Polo Grounds, ha kaba u Myntri Rangbah ka Jylla, u Shri Conrad K Sangma ula pynher ïa ka Lama Ri bad shim ïa ka ‘Rashtriya Salute’ jong 35 tylli ki kynhun Marching Contingent kynthup ki shipai BSF, CRPF, East Khasi Hills Special Operation Team, 1st MLP Bn, ki NCC, ki Scout bad ki Guide jong ka Meghalaya Bharat Scouts and Guides. Ki skul ba shim bynta ha ka March Past ki kynthup Loreto Convent School, Sacred Heart Girls Hr. Sec. School, Mawngap District Christian Multipurpose Sec. School, Holy Cross Sec. School, St. Mary’s Higher Sec. School, Stephen Memorial Sec. School, St. Joseph Hr. Secondary School, BSF Boys Sec. School, BSF Girls Sec. School, St. Gabriel Hr. Sec. School, Laban Bengalee Boys Hr. Sec. School, St. Anthony’s Hr. Sec. School, Hubert Memorial Sec. School, Pine Mount Hr. Sec. School, B K Bajoria Hr. Sec. School, Synod Hr. Sec. School, All Saints Hr. Sec. School, Brookside Hr. Sec. School, Auxilium Hr. Sec. School, Assam Rifles Public School Horse Riding Contingent and Brass Bands from Border Wing Home Guard, BSF, Sacred Heart Boys Hr. Sec. School, St. Margaret Hr. Sec. School and Auxilium Hr. Sec. School.

Ha kane ka sngi la sam ia ka khusnam Police Medal for Meritorious Service sha u Billygraham R Marak, Commandant bad Allan Eddie Marbaniang Asst. Sub Inspector bad ia ka khusnam Fire Service Medal bad Meritorious Service sha u Rokesh Warjri. Shuh shuh ha kane ka sngi la pynkup burom Meritorious Service Medal sha ka Kong Badalyne Kharkongor, Divisional Commandant of Home Guards, Shillong bad u Naik Parsing Ch Marak, Central Training Institute Civil Defence & Home Guards da ka khusnam Meritorious Service Medal na ka tnat Civil Defence & Home Guards ka Jylla. Ha kane ka sngi la sam ruh ia ki syrnod sha ki Hospital kiba trei bha kynthup ki Hospital Sorkar bad ki Hospital shimet hapoh ka East Khasi Hills District na ka bynta ban pyntreikam bha ia ka skhim MHIS-PMJAY. Ia ka PHC kaba trei bha la ai sha ka Dangar PHC, ka Mawphlang CHC, ka Maternal & Child Hospital kaba kham bha la ai sha ka Ganesh Das Government Maternal & Child Hospital bad ka Private Hospital kaba kham bha la ai sha ka Nazareth Hospital.

La sam ruh ïa ki khusnam sha ki nongjop ha ka March Past, kata ia ka Loreto Convent School, BSF Girls Hr. Sec School bad St. Joseph Hr. Secondary School kiba wan nyngkong, ba ar bad ba lai.Ha ka kynhun tem Brass Band, ka Sacred Heart Boys Hr. Secondary School, St. Margaret Hr. Sec. School bad Auxilium Girls Hr. Sec. School kiba wan nyngkong, ba ar bad ba lai. Ha ka cultural program ka Pine Mount Hr. Sec School, Auxilium Girl Hr. Sec. School bad St. Anthony’s Hr. Sec. School ki la wan banyngkong, ba ar bad ba lai.