Ki pulit ka jylla hynne ka sngi, kila thang lut ia baroh u drok kynthup u kynja bad dawai Yaba tablet kiba la ioh kurup na ki 7 tylli ki district ka jylla kiba la kot sha ka 9.11 klur tyngka.
Ia une u drok bad kynja la ioh kurup na East Khasi Hills, West Khasi Hills, South West Khasi Hills, Eastern, West Khasi Hills, East Jaintia Hills, West Jaintia Hills bad na North Garo Hills. La thang ia ki ha karkhana ka Star Cement Limited, Lumshnong East Jaintia Hills.
Katkum ka kyrwoh na u Superintendent of Police (ANTF), Meghalaya, ki Pulit ki la thang ki kynthup ia u Heroin 183.28 gms ba shong dor T.34 lak,83,678, Yaba tablets 8.721 kgs ba shong dor T.1,48,39,500, Ganja 296.79 kgs ba shong dor T.6, 97,68,000, Codeine cough syrups 2793 tylli ki bilor ba shong dor T.27,93,000 bad R-7 tablets kiba don 534 tylli ki tablet ba shong dor T.2,13,600 bad baroh ka la kot sha ka T.9,10,97, 778.
Ia kine ki drok ki Ganja la kurup da ki pulit ka ANTF hapoh ka 58 NDPS Act.
La ong ba kane kam dei tang ka jingthang ia ki drok hynrei kan dei ka khubor ba tyngeh ban pyllong ia ka jylla kaba lait na ki drok bad ki jingkyrni.
Ha kane ka sngi la sakhi lang lang ruh u IGP ka CID u Aditya Goenka IPS ha kane ka jingthang ryngkat kiwei ki briew ka sorkar.
You may also like
-
Ai dorkhas ka JNC ha u President ka BJP
-
Ioh pdiang khusnam 3 tylli ki Shnong na ka President ba pyntreikam bha ia ka skhim JJM
-
Shen yn plie ia ka surok thymmai harum ka jingkieng Umiam
-
Hap hiar shuki u CEM GHADC Kyntait u bah Prestone ia ka jingkynnoh leh politik
-
ïap ki jingri, julor 30 ki ïing ba ther phria ha Mawïong Nongthliew