U Symbud Myntri Rangbah ba peit ia ka tnat PWD (Road) u Bah Prestone Tynsong hynne ka sngi ula pyntip ba shen yn plie paidbah ia ka surok thymmai bad ka jingkieng harum ka Dam Umiam.
Haba kren sha ki lad pathai khubor u Bah Prestone ula ong, ki dang don sa tang katto katne ki bynta jong ki kam ba hap ban pyndep.
U bynrap ia kane ka surok bad ka Jingkieng la shna khnang ban pyllait ia ki kali heh ban iaid namar naduh ba la maramot la khang ia ki kali heh ban iaid lyngba ka Jingkieng Dam Umiam.
Ula ong hadien ba la plie paidbah ia ka surok bad Jingkieng thymmai, ki kali heh ki lah ban iaid sha ki thain Shillong khamtam ki Bos ba wan buh bad kit briew na ISBT Mawiong.
“Hadien ba la pyndep lut ia ki katto katne ki kam barit ba dang sah, shen ngin plie paidbah noh ia ka surok bad ia ka Jingkieng thymmai ba don harum ka Jingkieng Dam Umiam” la ong u Bah Prestone.
U Bah Prestone ula ong, ba hadien ba la plie ia ka surok thymmai, ki kali barit ki dang lah hi ban iaid na ka Jingkieng Dam Umiam.
You may also like
-
Ka jingkieng blei ba jrong kumba 30 phut ha Mawrah-Rangtmah
-
Da ka duitara rah u rangbah ban tem haba sahmiet sha khlaw, ym da ka mobile
-
Ba ban ka jingduk, ym ju ioh lad ialehkai u kyrtong ka UDP
-
Kiba ioh iakhun ilekshon tang ki riewlum, la pynhiar 18 snem na 21 ka rta nongthep vote
-
Ym don ba lah ban pynkhuid marwei ia ka shnong bad ka Jylla: Sniawbhalang