U Nongialam ka Meghalaya BJP uba dei ruh u MLA ka Pynthorumkhrah constituency u Bah AL Hek ula kam ba mynta ka kynti um kwah shuki Myntri Sorkar daka ba pynksan ba dei ban ailad ia kiwei kiba dang rung thymmai shaka BJP.
Ia kane u Bah Hek ula jubab haba saphriang ki khubor baka BJP ka dawa ban ai bhah shuki Myntri Sorkar shuh hadien baka la don mynta 10 ngut ki MLA.
Haba kren shaki lad pathai khubor u Bah Hek ula ong ba mynta ka kynti un pynleit jingmut ban pynkhlain shuh shuh ialade naka bynta ka ilekshon MLA 2028.
U Bah Hek ula ban jur ba ka rai ban pyniar shuki Myntri Sorkar ka shong beit ha u Myntri Rangbah ka Jylla bad haduh mynta um don jingtip ba kan don ne em ka jingpyn iar shaki Myntri Sorkar.
“Mynta ka kynti ngam kwah shuki Myntri Sorkar namar nga kwah pynleit jingmut ban pynkreh iaka ilekshon MLA 2028. Ngam tip kan don ne em ka jingpyn iar shuki Myntri Sorkar hynrei lada ka don dei ban ailad iaki ba dang wan rung thymmai shaka BJP” la ong u Bah Hek.
U Bah Hek ula ong baka Sorkar MDA ka don bun paid namar kata ka jingwan rung ki 8 ngut ki MLA ka UDP shaka BJP kam don jingktah iaka Sorkar.
“Watla kata ruh ka rai ban pyniar shuki Myntri Sorkar ka shong ha u Myntri Rangbah, ngi shaniah beit ha u” ula ong.
You may also like
-
Ap ki MLA ba phet na UDP sha BJP banïoh khubor hadien ba la aiti shithi
-
Rung BJP u bah Moonlight Pariat, MDC Jowai South
-
Wah banner ka KSU kylleng ka Motphran da kaba thmu kynthoh pyrshah ia u SP EKH
-
Halor ka thungkam Staff Nurse ha MCH Nongstoiñ
-
Kylla ka trok kit dewbiat ha surok Umran, phet krad u Driver