Truecaller: Ka app kaba la pyndonkam da palat 500 Million ngut ki briew ha kylleng ka pyrthei, ha kaba la tei da ka jingbuh ia ka India ha khmat eh 

Ka Truecaller, kawei na ki rynsan iakren kaba shngain bad kaba lah ban shaniah, mynta ka sngi ka la pynbna ba ka la don palat 500 million ngut ki nongpyndonkam ha kylleng ka pyrthei, kaba long u mawmer ba kyrpang ha ka komapany ban wanrah ka jingshaniah ha ka jingia pynpoi khubor. 

Kane ka rynsan ka iaibteng ban iohi ia ka jingkiew jong ki briew kiba pyndonkam, ha kaba tang ha u snem 2025 la don palat 50 million ngut kiba pyndonkam. Tang ha India ka Truecaller ka la tam ia ki 350 million ngut kiba pyndonkam bad 150 million ngut kiba pyndonkam ia ka shabar jong ka India namar ka jingdawa ban iada na ki spam, ki jingshah thok ne scam bad kiwei kiwei ki jingphone kibym kwah ka iaibteng ban kiew ha kylleng ki ri ka pyrthei. Ka Truecaller ka la tam ia ka 4 million ki nongpyndonkam mynta ha kane ka sdang snem ba mynta ha kylleng ka pyrthei, kaba la nang pynkhlain shuh shuh kiba  kawei na ki bynta ban ioh pisa. 

“Kane kadei u mawmer ba kyrpang na ka bynta jong ngi, hynrei ka don pat ban ong eiei eiei kaba khraw shaphang kane ka pyrthei kaba ngi im, ong u Rishit Jhunjhunwala, CEO of Truecaller. “katba nang mih ki sngi nang bun nang bun ki kren kiba donkam jingiarap ban iada na ki spam, ki scam bad ki jing phone kibym kwah. Ban poi sha ki 500 million ngut ki nongpyndonkam ka pyni ia kata ka jingheh ka jingdonkam ia kane, bad ka jingshaniah ba ki briew ki buh ha ka Truecaller ban iarap ban pynlong ia ka jingiakren kaba shngain. Ka jingtrei ba radbah jong ngi ka phai khmat sha ka rukom ban iai bteng ban pynkhlain ia ka Truecaller da ki teknology kiba mynta bad ki rukom treikam kiba thymmai ban iada ia ki nongpyndonkam ha shwa, ha ka por ba pyndonkam bad hadien ba pyndonkam ia ka jingphone ne call bad ban phah message. Ka thong jong ngi hi ka long ban pynlong ia ka jingiakren kaba shngain, kaba lah  ban Shaniah ia baroh. Mynta ka thong jong ngi ka long jam sa sha uwei u mawmer bad kata ka long: 1 Billion ngut ki nongpyndonkam. 

Da ka jingdon ia shiteng billion ngut ki briew kiba pyndonkam ia kane ka rynsan man la u bnai, ka Truecaller ka la kylla long kum kata ka application kaba ym shuh tang ban tip ia ki nongphone. Ka la kylla long kaei kaei kaba kongsan ba kumno ka jingiakren kan long kaba shngain ha kine ki sngi digital, ka jingpyndonkam kaba man la ka sngi kaba lah ban iarap ia ki briew ban tip ia ki nongphone, ban kiar na ki jingshah thok, bad pynlong ia ka jingshim ia ka rai da ka jingtip iano ngin iakren. 

Mynta, ka Truecaller ka treikam kum ka rynsan digital kaba pyndonkam ha baroh kawei ka pyrthei, kaba la ngam ha man la ki jingiasam khubor ba man la ka sngi jong ki spah bad million ngut ki briew. Naduh ka jingtip ia ki nongphone haduh ka jingiada na ki jingthok bad iarap ban phah ia ki message ha ka rukom kaba shngain, kane ka rynsan ka la long kaei kaei kaba pyndonkam kum ka jingmlien, kaba pyndonkam man la ka sngi kaba kyrshan ban ioh ia ka jingiakren kaba shngain ha kylleng ki bynta ha kaba iadei bad ka jingiaphone. 

Wat haba la ai jingshakri ia palat shiteng billion ki nongpyndonkam ha kylleng ka ri, kane ka kompany ka iai long kaba biang, ha kaba ki nongtrei ki don la kumno kumno 470 ngut kiba shna bad pyntreikam ia kane ka rynsan na ka bynta ki nongpyndonkam ha kylleng ka pyrthei.