U Harsh Vardhan Shringla u la pashat jingmut halor ka jingpynpoi Rel, ka jingpyniasoh lyngba ki surok bad ka Kam Jngoh kai pyrthei jong ka thaiñ shatei lamihngi ha ka Ïing Dorbar Thawaiñ

U Harsh Vardhan Shringla, MP, u la pynshat halor ki mat ba kongsan ha ka ïing dorbar thawaiñ shapang ka thaiñ shatei lamihngi, da kaba pynleit jingmut ha ka jingpynbha ïa ki jingtei, ki lynti rel bad ka kabu kaba khraw na ka kam jngohkai pyrthei. U la kren da kaba shai lem bad ka jingthmu, u la wad ia ki jingtip kiba bniah shaphang ka jingïaid shaphrang jong ka jingiaid sha khmat ki kam, ka jingpyndonkam ia ka pisa ba la ai da ka sorkar pdeng bad kumno ba kine ki jingsdang kin wanrah jingmyntoi ïa ki nongshong shnong. U la pynpaw ruh balei ka long kaba donkam ïa ki nong India ba kin leit ban jngohkai ïa ka thaiñ shatei lamihngi ha ka jaka ban leit shabar ri bad ba kumno ki jingpynïasoh kiba kham bha ki lah ban pynkylla ïa ka lawei jong katei ka thaiñ.  U la buh jingkylli kaba ïa dei bad ka Rising North East Summit ba la pynlong hapoh ka jingïalam jong u myntri rangbah duh ka ri, bad u la wad bniah halor ki rukom pyntreikam ban wanrah ïa ka mang tyngka na ka bynta ka thaiñ shatei lamihngi kum ka jingmih na kane ka Summit.  Da kaba pynksan ïa ka jingkitkhlieh bad ki jingmih, u la kyntu ïa ka Sorkar ban pynthikna ba ïa ki jingkular ba la ai ha ka Summit yn pynkylla sha ki jing pyntreikam ki ban pynmih kam bad ki ban wanrah ïa ka jingroi kaba neh.

Ha kaba kren ïa ka kam jngohkai pyrthei, U Shringla u la batai ba ka thaiñ shatei lamihngi ka long ka thaiñ kaba don ïa ka jingitynnad, ka pateng jaitbynriew kaba riewspah bad ka jinglah kaba khraw kaba ym pat lah ban pyndonkam ha ka liang ka mariang, ka kolshor bad ka kam jngohkai pyrthei. U la ong ba mynta ka la long kaba lah ban ïohi ïa kine ki rel ki ban pynïasoh ïa ki jaka jong ka thaiñ shatei lamihngi bad ka ri baroh kawei, kaba pyni ïa ka jingïatylli bad ki lad ki ba pher ba pher, ka ban pynjan ïa ki ïew ki hat, ka ban kyntiew ïa ka kam jngohkai pyrthei, ka ban pynmih kam bad ka ban pynskhem ïa ka jingïatylli jong ka ri hi baroh kawei. U la ong ruh ba kum kane ka jingpynïasoh kan treikam kham palat ban ïa ka leit ka wan, kan pynjan ruh ïa ki ïew ki hat, kan pynskhem ïa ka jingïatylli jong ka ri bad kan pynïar ïa ka khaïi ka pateng, ka kam jngohkai pyrthei bad ka jingïadei hapdeng ki para briew.  

Haba kren shaphang kane, U Shringla u la ong, “U Myntri Rangbahduh ka ri, u 𝑵𝒂𝒓𝒆𝒏𝒅𝒓𝒂 𝑴𝒐𝒅𝒊 u la pyni ïa ka jingïadei kaba jan bad kaba naduh ka dohnud ïa ka thaiñ shatei lamihngi. Ha ki hynriew phew snem kiba la leit, ki sorkar ba pher ba pher kim ïohi ïa ka jinglah bad ki jingdon jong kane ka thaiñ. U myntri rangbah duh u la sngewthuh ïa kane bad u la pynpaw ïa ka jinglah jong ka. Ha ka 𝑵𝒐𝒓𝒕𝒉𝒆𝒂𝒔𝒕 𝑰𝒏𝒗𝒆𝒔𝒕𝒐𝒓𝒔’ 𝑺𝒖𝒎𝒎𝒊𝒕 kaba dang shen, kaba la plie pyrda da u, ki nongbei tyngka ki la kular Rs. 4.3 𝒍𝒂𝒌 klur.”

Man la ka por, U Harsh Vardhan Shringla u la kren shaphang ki mat kiba donkam shisha na ka bynta ki nongshong shnong. Lada ka dei ha ka liang ka koit ka khiah, ka pule ka puthi, ki jingpynïasoh ne ka jingdon jingem, u ïai bteng ban wanrah ïa ka sur jong ki nongshong shnong na ki jaka kum ka Darjeeling bad ka thaiñ shatei lamihngi baroh kawei sha ki rynsan ba heh duh ha ka ri. Ki jingtreikam jong u ki pyni ym tang ka jingkitkhlieh ha ka liang ki kam saiñ pyrthei hynrei ka jingsngewkhia bad ka jingsngewlem kaba shisha na ka bynta ka thaiñ.